E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Një amnisti për 30 vite tranzicion

9 Prill 2022, 11:04, Politikë CNA

Disa vite më parë, kryeministri Edi Rama hodhi tezen e një amnistie. Më pas mesa duket në përplasje me ndërkombëtarët, nuk mundi ta bënte atë.

Të njëjtën gjë bëri edhe ish-kryeministri Sali Berisha në vitin 2011. Por, në atë kohë u ndal nga Opozita e Edi Ramës, e cila nuk dha votat për dekriminalizimin në deklarimin e parave në procesin e amnistisë.

Atëherë, Opozita ishte kapur pas “fijes së flokut” dhe mbahej me tezat e qarkut të Fierit. Në fakt, Shqipëria i kishte rrugët e hapura drejt Europës dhe ish-kryeministri Berisha kërkoi një amnisti për të pastruar ndoshta një herë e mirë historinë e këtyre 30 viteve tranzicion.

Kryeministri Edi Rama tentoi ta bënte vetë. Nuk mori konsensus dhe tani është rikthyer në këtë tezë.

Në fakt, Opozita nuk duhet të jetë e kompleksuar nga propozimi i kryeministrit Rama. Në rast se ai ofron të paktën në minimum amnistinë e kërkuar nga ish-kryeministri Berisha dhe Qeveria e tij në vitin 2011. Kur në pushtet ishte së bashku me Ilir Metën. Në Qeveri ishte edhe Lulzim Basha. Një amnisti që i duhet Shqipërisë, sepse Zoti Berisha dhe kabineti i tij në atë kohë, përfshirë këtu Zotin Bode, Zoti Olldashi, Zoti Ruli, strukturat e Qeverisë që ishin përfaqësues të LSI-së, bënin propagandë ditë e natë dhe kërkonin që socialistët të votonin amnistinë. Pasi kjo do të sillte shumë të ardhura në buxhet dhe do të ndikonte së tepërmi ekonominë.

Pra, do të ishte një shtysë mjaft e mirë për vendin.

Në fakt, sot Opozita është e stepur dhe në momentin që kryeministri Rama përmend amnistinë e përgjithshme palët shkojnë në skanionet, e luftës politike.

Në fakt ky është rasti, që Opozita duhet të tregojë se i kapërcen inatin politik dhe është e qartë se rëndësia e amnistisë fiskale është për interesat e vendit, për interesat e pjesës më të madhe të popullsisë.

Ka njerëz që e duan amnistinë, biznese, qytetarë të thjeshtë. Ka të tjerë që thonë se amnistia nuk duhet se do të pastrohen para, e të tjera si këto.

Në fakt, i gjithë rajoni jonë, e gjithë Europa ka bërë amnisti. Dhe falja apo dekriminalizimi në momentin e deklarimit për burimin e të ardhurave, sidomos për emigrantët, sidomos për qytetarët shqiptarë që i mbajnë paratë nën jastëk, për ata që kanë punuar me dy apo tre turne, për njerëz që kanë shumë para, por nuk i futin dot në treg, është një proces mjaft i rëndësishëm që i intereson jo vetëm mijëra qytetarëve, por i intereson edhe ekonomisë dhe zhvillimit të vendit.

Shqipëria ka nevojë për reforma të thella. Një amnisti do të ishte një oksigjen për një reformë për zhvillimin e vendit. Një amnisti e cila nuk duhet të kompleksojë, siç e theksuam më lart, Opozitën.

Qartazi, Opozita, duhet të jetë pro amnistisë. Qartazi, Opozita duhet të pranojë minimalisht amnistinë e vitit 2011, që atëherë nuk e votuan socialistët dhe t?i tregojë se vizioni i saj ka qënë më i qartë dhe më i drejtë.

Atë që Sali Berisha dhe Qeveria e tij kërkonte ta bënte 11 vite më parë, Edi Rama po kërkon ta bëjë tani. Dhe Opozita nuk mund të bëjë grindavecin dhe të thotë, ?jo unë jam kundër?.

Opozita në këtë rast duhet të na tregojë se pse vërtetë duhet kjo amnisti me argumentat që ka përdorur në vitin 2011./CNA.al

Pse na duhet amnistia fiskale?