“Këlliçi, në krye të protestave në Tiranë”/ Media greke rendit akuzat për Veliajn

28 Korrik 2024, 15:56, Politikë CNA

Fotomontazh - Erion Veliaj dhe Belind Këlliçi

Media greke “Popaganda” u ka kushtuar një artikull protestave para Bashkisë së Tiranës, kundër kryebashkiakut Erion Veliaj.

“Popaganda” ka rendituar akuzat për Veliajn, të cilit i janë arrestuar disa nga drejtorët kryesorë.

“Ditën që Fredi Beleri po betohej si eurodeputet, Tirana 'digjej' nga protestuesit me një portret të Edi Ramës me mbishkrimin 'narcos'.

“Këlliçi, në krye të protestave në

Për 4 muaj me radhë Tirana jeton në konstelacion të protestave popullore të opozitës para bashkisë, ku shumë herë ka pasur përplasje dhe ndërhyrje të dhunshme të policisë.

Protestuesit kërkojnë dorëheqjen e kryetarit socialist të Bashkisë së Tiranës, Erion Veliaj, një njeriu që e akuzojnë si të korruptuar dhe është i preferuari i Edi Ramës.

Belind Këlliçi, 37-vjeçar, ish-deputet dhe ish-kandidat për Bashkinë e Tiranës thotë se jemi në protesta të vazhdueshme për 18 javë derisa SPAK-u të sjellë para drejtësisë kryetarin e Bashkisë Tiranë”, thuhet në artikull.

Media greke përmend faktin se që prej fushatës së 2023-shit, Këlliçi ka denoncuar Veliajn për shpërdorim fondesh publike dhe blerje votash. Gjithashtu, evidenton se një gjë e tillë është përmendur edhe nga raporti i OSBE-ODHIR.

“Këlliçi, në krye të protestave në

“SPAK mori disa masa 7 muaj pas zgjedhjeve, duke arrestuar krahun e djathtë të kryebashkiakut Veliaj, që ishte edhe në krye të fushatës elektorale të Veliajt.

Protestat që kërkojnë dorëheqjen e kryetarit të bashkisë shpesh kthehen në protesta kundër Ramës, veçanërisht që nga dhjetori 2023 kur Berisha u vu në arrest shtëpie. Megjithatë ai u rizgjodh sërish kryetar i PD-së.

Këtë na e thotë njeriu që i ka ngjitur shpejt shkallët e lidershipit dhe korridoreve.

Tregues i klimës negative që është krijuar në vend për kryeministrin është dhe fakti që protesta e 11 korrikut, e thirrur nga PD-ja, pati një pjesëmarrje shumë të madhe megjithëse temperaturat ishin të larta”, theksohet më tej.

“Këlliçi, në krye të protestave në

Mediat helene shkruan edhe për kryeministrin Edi Rama dhe skandalet e qeverisë.

“Rama ndodhet në pikën më të ulët të popullaritetit të tij. Qeveria po tronditet nga skandalet e shumta të ministrave e bashkiakëve që shkojnë në prokurori njëri pas tjetrit.

Këlliçi thotë se ne si opozitë jemi të vendosur të protestojmë deri në krijimin e një qeverie teknike që do organizojë zgjedhje të lira, të ndershme që parashikohen të mbahen në prill të 2025-ës”, theksohet në artikull.

Skandalet e mëdha janë kryesisht ai i inceneratorëve me 130 milionë euro dhe 30 milionë eurot e vjedhura të “5D”-së.

Megjithëse kontrata për inceneratorët ka 7 vite, ata nuk funksionojnë dhe vazhdojnë pagesat.

Këlliçi përmend për “Popagandën” një tjetër skandal, atë të Eco-Tirana, që u lidh me kompaninë italiane në Verona për mbledhjen e plehrave, por kjo kompani është akuzuar për pastrim parash dhe lidhje me "Ndrangheta"-n./ CNA