web counter
LEXO PA REKLAMA!

SHKARKO APP

App Store
Google Play

Rama, kritika deputetëve të PS-së/ “Dilni në popull vetëm për foto, jeni përtacë”

28 Korrik 2024, 13:50, Politikë CNA
Rama, kritika deputetëve të PS-së/ “Dilni në popull
Kryeministri Edi Rama

Kryeministri Edi Rama ka kritikuar ashpër deputetët e Partisë Socialiste gjatë fjalës në kongres, duke i cilësuar përtacë.

Rama tha se disa deputetë dalin në popull vetëm kur shoqërojnë atë ose për ndonjë foto.

Ai theksoi se ka deputetë që u dëgjohet zëri vetëm kur trokasin në zyra shteti për punët e tyre ose të familjarëve, flasin në Parlament shumë rrallë dhe gjuajnë duke hedhur gurin dhe fshehur dorën.

“Jeta parlamentare nuk është vetëm arena e seancave kuvendore dhe as nuk nis e mbaron në mbledhjet e komisionit. Karrigia e Kuvendit është për t’u ulur për vendimmarrjen, por detyra e deputetit është me kilometrat te zgjedhësit, me grupet e interesit tek anëtarësia, ku dora, fjala, urtësia e deputetit, janë kusht për shëndetin e mirë. Deputeti mund të jetë ose jo i gojës, por nuk mund të jetë asgjë veçse shembulli i komunikimit me njerëzit, që ka ambicie të zgjidhë problemet, të rritet, të lartësohet në sytë e njerëzve, përmes punës që bën për vendin.

Kjo duhet të vlejë për këdo që ka nderin të jetë deputet i PS-së. Të jesh deputet i PS-së, është diçka që e konsideroj privilegj, të pakrahasueshëm me asgjë, të zgjidhesh deputet është një borxh që nuk lahet dot kurrë deri në fund. Kush më pyet ku e gjen gjithë këtë energji e durim, ua kthej me buzëqeshje, por nuk kam si rri asnjë orë rehat, derisa ata që ma kanë bërë këtë nder nuk rrinë rehat.

U kërkoj ndjesë sot, që deputet nuk janë, por kanë investuar mundin e tyre që një grusht njerëzish të jenë këtu sot si deputetë. U kërkoj ndjesë për ata deputetë që janë këtu të ulur mes nesh dhe nuk e kanë përmbushur ende as minimumin etik, të paraqitjes në kohë dhe në çdo kohë për detyrën për të cilën paguhen. U kërkoj ndjesë për ata deputetë që dalin në popull për të më shoqëruar mua apo për një foto. Për ata deputetë që u del zëri vetëm kur trokasin në zyra shteti për punët e tyre e të familjes së tyrë. Apo edhe ata që duken në foltore një herë në hënë e flasin sikur kanë ardhur nga Hëna, ndërsa takimet me njerëzit i bëjnë për të rejat e fundit nga portalet e thashemeve për qeverinë. Ndjesë për disa që u është bërë ves me komente, apo të gjuajnë duke hedhur gurin e fshehur dorën, po duke harruar jashtë gjuhën e tyre që nuk pushon. Ndjesë deputetëve që nuk u takojnë këto fjalë, pasi nuk janë të gjithë dembelë”, theksoi kreu i qeverisë./ CNA





Lajmet e fundit nga