Çmenduria e Rilindjes/ Enveristi i fundit do të luftojë korrupsionin

28 Korrik 2024, 15:26, Politikë CNA

Çmenduria e Rilindjes/ Enveristi i fundit do të luftojë

Fatmir Xhafaj

Në kongresin e sotëm të Partisë Socialiste, mori fjalën edhe enveristi i fundit, Fatmir Xhafaj.

Përveç mashtrimeve dhe gënjeshtrave, ai doli me "shpatë të madhe" dhe theksoi se do të luftojë korrupsionin në vend dhe do të vijohet me reformat në drejtësi.

Pasi u zotua se PS-ja kishte bërë të gjitha reformat në vend, si atë në drejtësi, arsim, shëndetësi, ai theksoi se do të vijojnë të godasin të korruptuarit.

“Por as Shqipëria, as drejtësia nuk është më pjesë e asaj kënete që është katandisur në një batak privat ku llokoçiten vetë ata. Këta jemi ne PS, e njerëzve që duan shtet e drejtësi. Ne ishim, jemi dhe do të mbetemi të vendosur për të shndërruar këtë vend në një rrugë ku drejtësia është thelbësore, e ku e kemi ditur pikërisht pse kjo e jona është e vërtetë edhe goditjet e drejtësisë do të ishin të vërteta pa bërë skonto politike as për vetë ne, madje mbase mbi të gjithë për vetë ne. 10 vjet më parë të shkoje të dëshmoje me kostum politik ishte e pamendueshme, ndërsa 10 vjet më pas të mos shkosh është bërë e paimagjinueshme. Ky është shembull për të treguar fuqinë", u shpreh Xhafaj.

Po kështu, ai tha ndër të tjera se askush nuk duhet të ketë mburojë politike, pasi secili ka përgjegjësi individuale.

"Prandaj qëndrimi i shpallur nga kryetari Edi Rama për përgjegjësinë individuale të drejtësisë, është i duhuri, i drejtë dhe i përgjegjshëm", tha Xhafaj.

Pra, një enverist, komunist, kërkon të luftojë korrupsionin. Por si? Me komisione të Posaçme që kanë si synim të kontrollojnë punën e drejtësisë, konkretisht SPAK-un? Me skemat e tij që kanë synim të mbrojnë Erion Veliajn nga hetimet e SPAK-ut?

Ai kërkon që "luftojë korrupsionin" duke kontrolluar SPAK-un, institucion që ka mbështetjen e SHBA-së dhe Evropës për të luftuar krimin dhe shkeljet e zyrtarëve të lartë.

Duhet të theksojmë që Xhafaj është braktisur jo vetëm nga opozita, por edhe ndërkombëtarët për komisionin që do të thërrasë në Apel institucionet e drejtësisë.

Madje Rama edhe pse sot bëri ndryshime në qeveri, nuk propozoi asnjë post për Xhafajn, apo për anëtarët e komisionit të Posaçëm Parlamentar, pra bashkëpunëtorët e këtij të fundit./CNA