web counter
LEXO PA REKLAMA!

SHKARKO APP

Inceneratorët marrin drejtimin e Kuvendit

28 Korrik 2024, 15:55, Aktualitet CNA
Inceneratorët marrin drejtimin e Kuvendit
Foto ilustruese

Inceneratorët, të quajtur vjedhja e shekullit, ose megaafera e shekullit, kanë gllabëruar nga xhepat e qytetarëve shqiptarë qindra milionë euro.

Kjo megaaferë po hetohet nga SPAK-u, me ministra dhe zyrtarë të cilët kanë shkuar prapa hekurave. 

Inceneratorët, ai i Elbasanit, Fierit dhe Tiranës kanë kushtuar të paktën 180 milionë euro, ku njëri nuk funksionon, tjetri nuk ka përfunduar dhe i fundit nuk ekziston tashmë kanë përfaqësuesen e tyre në Kuvend.

Sot bashkëpunëtorët dhe përfituesit e inceneratorëve kanë marrë drejtimin e Kuvendit.

Njëra prej tyre është Elisa Spiropali, e cila u propozua sot nga kryeministri Edi Rama në kongresin e PS-së pas dorëheqjes së Lindita Nikollës të premten e kaluar.

Për lidhjet me inceneratorët ka akuza të forta për shumë ministra, zyrtarë të cilët janë në burg për korrupsion.

Të tjerë po hetohen dhe shumë janë shpallur në kërkim. 

Gjithashtu akuza të forta ka për kryetarin e Bashkisë së Tiranës, Erion Veliaj, pasuria e të cilit është në hetim, po ashtu dhe familjarëve të tij.

Prej muajsh kërkohet largimi i tij nga Bashkia e Tiranës dhe përballja me ligjin. Ai akuzohet si pronari faktik i inceneratorit të Tiranës. Hetimet për vjedhjen e shekullit vijojnë.

E ndërsa kjo gjë ndodh, duket se inceneratorët nuk kanë kaluar pa gjë duke marrë dhe drejtimin e Kuvendit me përfaqësuesen e tyre dhe lidhjet që kanë pasur me Elisa Spiropalin./ CNA





Lajmet e fundit nga