web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca rrëzon akuzat e PD-së/ Ironia: Ia hongsha zemrën partisë, merrem me peshkim jo me bujqësi

28 Korrik 2024, 12:24, Aktualitet CNA

Biznesmeni dhe sipërmarrësi Gjergj Luca u është përgjigjur akuzave të Partisë Demokratike se ka marrë 1.3 miliardë lekë nga fondet e BE-së për fermerët.

Në një intervistë për CNA TV, Luca ironizoi PD-në, duke pyetur nëse e ka ndryshuar emrin në “Partia Demokratike Kodoshi”.

Nga “Fish City” në Elbasan, ai tha se “Rozafa” është firmë peshku dhe nuk lidhet me fondet e IPARD-it, të cilat janë për bujqësinë.

"Si 1.3 miliardë se qenke e madhe ti, si 1.3 miliardë, lekë apo euro? Ja hëngsha zemrën partisë sime, shyqyr që ka menduar për mua. I kam marrë apo do t’i marr se nuk e kuptoj?

Dëgjo, se Elvi u shkon gjërave deri në fund. Tani kjo partia ime, PD, vazhdon me të njëjtin emër apo vazhdon Partia Demokratike Kodoshi? Si e ka? Ma shpjego!

Tani emri i Partisë Demokratike si është, i partisë sime? Apo e ka bërë tani me aleancë parazgjedhore, i ka mbledhur të gjithë kodoshët? Si e ka bërë, më qafsh?

Gjergj Luca rrëzon akuzat e PD-së/ Ironia: Ia hongsha zemrën
Biznesmeni dhe sipërmarrësi, Gjergj Luca

Si mendon ti, të marr unë 13 milionë euro edhe nuk kam çuar asgjë te partia ime? Mendon se jepen lekët kot kështu?

Dëgjo ti e CNA-së, se Elvi u shkon deri në fund gjërave. Kjo është e para apo e fundit akuzë ndaj meje, s'e kuptoj? Të tjerat i di?

Tani që ta kuptosh, Rozafa është firmë peshku, fondet e IPARD-it janë për bujqësinë. As kaq nuk di ta ndajë partia ime dhe këta kodoshët e partisë sime marrin emrin tim si njeri i suksesshëm dhe e fusin ku kanë mundësi ta fusin”, u shpreh ai.

Biznesmeni sfidoi Partinë Demokratike dhe paralajmëroi se do të ndjekë rrugën ligjore, në rast se nuk tërhiqen mbrapsht akuzat drejt tij.

“Në rast se unë ty të rezultoj, shko pyete partinë time, që unë jam investitor strategjik, unë nuk dal më para opinionit publik që të flas. Në rast se Gjergj Luca ka marrë 1 lek, 1 euro nga fondet e IPARD-it, ua them kamerave këtu, unë nuk dal më përpara opinionit publik. Tjetër çfarë lloj akuzash kanë bërë? Ja për shembull, për këtë ku jemi këtu që e kam marrë me 1 euro. A u çua partia ime dhe bëri ligjin me 1 euro? Edhe unë si një demokrat i zjarrtë, erdha dhe dhashë kontributin tim në këtë karikatinë, e mora, e ktheva mbrapsht, e zhvillova, e pastrova, në finale çfarë u bë? Erdhën këta socialistët. Por këta janë specialistë dhe nga 1 euro që e kishte bërë lideri ynë legjendar, këta më morën 1.4 miliardë. Më morën një tufë me lekë mbrapsht dhe ma vunë metrin sikur m'i kishin dhënë të reja. E kupton ç'janë këta specialistët? Të marrin më qafë, të marrin.

Gjergj Luca rrëzon akuzat e PD-së/ Ironia: Ia hongsha zemrën
Biznesmeni dhe sipërmarrësi, Gjergj Luca

Akuzë tjetër çfarë kam?

Atëherë, kam edhe unë një kërkesë për partinë time. Ta ndërrojë sloganin, 'Liri, demokraci', 32 vjet gërthasin 'liri, demokraci'. Ta ndërrojnë, ç'është ky slogan? Kanë sjellë lirinë apo kanë sjellë demokracinë? Liria dhe demokracia jemi ne që punojmë, ne na bien kokës me përralla dhe histori, kështu që të lutem shumë, shko vërtetoji te partia ime dhe thuaji partisë sime. Në rast se nuk i tërheqin mbrapsht, shyqyr zotit ne jemi bërë me gjykata, jemi bërë njerëz të lirë, unë do shkoj do t’i drejtohem gjykatës dhe do t’i them: 'Ju lutem, thirreni dhe partinë time të m'i vërtetojë këto gjëra. Je dakord?'

Tani më lër të punoj se është ditë e diel. Ne ditën e diel punojmë", theksoi Luca./ CNA





Lajmet e fundit nga