web counter
LEXO PA REKLAMA!

SHKARKO APP

App Store
Google Play

Qeveria reformë pensionesh në 2025-ën, nuk do të jenë nën 150 euro

28 Korrik 2024, 11:52, Aktualitet CNA
Qeveria reformë pensionesh në 2025-ën, nuk do të jenë
Foto ilustruese

Qeveria do të bëjë një reformë të re pensionesh, që do të nisë në vitin 2025.

Këtë lajm e ka konfirmuar në Kongresin e PS-së, ministri i Ekonomisë, Kulturës dhe Inovacionit, Blendi Gonxhja.

Ai tha se nuk do të ketë më pensione nën 150 euro, ndërsa theksoi se frytet e reformës do të shihen në 2-3 vitet e ardhshme.

“Kemi ende disa sfida shumë të forta për të fituar, duke filluar nga domosdoshmëria për një rritje më kuptimplotë të pensioneve sesa rritjet shumë të vogla të këtyre viteve.

Fatmirësisht sot ekonomia na ka krijuar mundësi më të mira sesa kishim deri dje për të guxuar edhe me pensionet, të cilat pa diskutim janë edhe pjesa më sfiduese e pjesës ekonomike të një vendi në zhvillim si Shqipëria.

Ne po punojmë për këtë dhe do të nisim të hedhim hapat e duhur që në rrugën drejt Shqipërisë 2030 të mos ketë më pension nën 150 euro. Reforma e re e pensioneve do të marrë rrugë vitin e ardhshëm dhe frutet e saj do të shihen pa diskutim në dy deri në 3 vitet e ardhshme”, theksoi Gonxhja./ CNA





Lajmet e fundit nga