web counter
LEXO PA REKLAMA!

SHKARKO APP

App Store
Google Play

E fundit!

x

Më 30 korrik shqyrtimi i padisë/ Gjykata s'pranon kërkesën e Belerit për pezullimin e dekretit

26 Korrik 2024, 18:44, Aktualitet CNA
Më 30 korrik shqyrtimi i padisë/ Gjykata s'pranon
Fredi Beleri

Gjykata Administrative në Tiranë ka rrëzuar kërkesën e Fredi Belerit për sigurimin e padisë, pezullimin e dekretit derisa gjykata të marrë një vendim përfundimtar.

Më 30 korrik Gjykata do të nisë shqyrtimin e padisë së Fredi Belerit dhe PBDNJ për shfuqizimin e dekretit të Presidentit për datën e zgjedhjeve 4 gusht në Himarë.

Të pranishëm në gjykatë ishin kreu i PBDNJ-së, Vangjel Dule, avokatja e Fredi Belerit, Klodiana Gjyzari si dhe juristët e presidencës.

Avokatja e Belerit Klodiana Gjyzari tha se akti i zgjedhjeve është i paligjshëm sepse nuk është zbatuar neni 10 i Kodit Zgjedhor pasi përfundimi i mandatit të Belerit nuk i ka kaluar të gjitha hallkat

Sipas juristëve të presidencës dekreti nuk është kompentencë e Gjykatës Administrative. Edhe Avokati i Shtetit kërkoi nga gjykata të mos pranojë padinë dhe të verifikojë kushtet formale të hartimit të saj.

Kujtojmë se, Fredi Beleri më 8 korrik ka paditur Presidentin e Republikës së Shqipërisë, Bajram Begaj, për të shkarkuar dekretin e këtij të fundit që përzgjodhi datën 4 gusht si ditën kur do të zhvillohen zgjedhjet e Bashkisë Himarë./ CNA





Lajmet e fundit nga