web counter
LEXO PA REKLAMA!

SHKARKO APP

E fundit!

x

Bardhi “shuplakë” Bashës/ “Listat, vota e Diasporës dhe heqja e pragut nuk është pazar”

26 Korrik 2024, 16:55, Aktualitet CNA
Bardhi “shuplakë” Bashës/ “Listat, vota e
Gazment Bardhi

Kreu i grupit parlamentar, Gazment Bardhi i është kundërpërgjigjur Lulzim Basha i cili ka quajtur Pazar dakordësinë PD-PS për Reformën Zgjedhore.

Bardhi është shprehur se nuk janë pazar, listat e hapura, heqja e pragut apo vota e Diasporës.

“Në çdo zgjedhje ofrojmë formulë të ndryshme. Nuk mund të ketë zgjidhje që mund të funksionojë pa u testuar.

Sot nuk thonë asnjë fjalë për votën e Diasporës, nuk janë 18mijë. Çdo qytetar që ndodhet jashtë territorit të Shqipërisë ditën e zgjedhjeve do të votojë atje ku ndodhet.

Dëgjova pazar, i kishim koalicionet në 2017 por hymë në zgjedhje dhe thamë heqim dorë nga koalicionet ky është pazar. Pazar se po zbatojmë vendimet e GjK.

Pazar se po i njohim të drejtën e votës emigrantëve?

Kush nga dispozitat njeh herësin e fshehur. Mënyra si është kompozuar lista, vota e Diasporës apo heqja e pragut?

Mund të jetë problematikë që është në Kodin e Vjetër.

Këto që miratojmë sot nuk janë adresim i problemeve reale në Shqipëri. Këto janë detyrim i çdo deputeti që ka vënë dorën në kushtetutë. Unë nuk e shkel kushtetutën se jam betuar të mos e shkel kur jam ulur aty.

E përshëndes deklaratën për thirrjen për kuotën gjinore po pres që gjithë deputetët të reflektojnë rekomandimet e OSBE/ ODIHR”, tha Bardhi./ CNA





Lajmet e fundit nga