web counter
LEXO PA REKLAMA!

SHKARKO APP

App Store
Google Play

E fundit!

x

Kongresi i vazhdimësisë së Enverizmit dhe heshtja që vret shqiptarë!

28 Korrik 2024, 17:02, Politikë Besim Ndregjoni
Kongresi i vazhdimësisë së Enverizmit dhe heshtja që vret
Foto ilustruese

Mosveprimi dhe indiferentizmi ndaj ideologjisë kriminale të komunizmit në këtë periudhë kohore  postkomuniste ka nxjerrë në rend të ditës fenomenin e rrezikshëm dhe shumë të dëmshëm për shoqërinë, frymën e enverizmit dhe pushtimin e politikës shqiptare nga enveristat.

Enveri ka vdekur, por fryma e enverizmit po njeh rritje në një shoqëri të traumatizuar nga diktatura 45 vjecare ku nuk u denua nga drejtësia

Sot në kongresin e partisë socialiste u shfaq hapur pa ekuivok që një studente e re në hapje të kongresit deklaroi se PS ështe partia e Enver Hoxhës duke krahasuar me moshën e gjyshes së saj, dhe Partia e Kryeministrit Edi Rama.

Si një trashgimtare e enverizmit, kjo vajzë e re tha të vërtetën që socialistët nuk janë një parti e re e krijuar në pluralizëm por është partia trashgimtare e komunizmit.

Hodhi poshtë të gjithë formalizmin që politika, media, dhe aktorë të tjerë e kan paraqitur PS si parti të krijuar në 91.

Shqiptarët ndodhen përpara fenomenit më të rrezikshëm për ecurinë dhe zhvillimet e demokracisë, ato përballen me mos denimin  e ideollogjisë kriminale të diktaturës.

Sot mazhoranca aktuale po rikthen dhe po trysnon me pushtetin politik qeverisës simbolet e diktaturës komuniste.

Pas 34 vitesh ne përballemi  me një mazhorancë me moshë të re por me mentalitet komunist dhe këmbëngulës për të rehabilituar diktatorin dhe simbolet e atij regjimi shfarosës që vrau dhe torturoi shqiptarë të pafajshëm .

Të shërbesh në një sistemi demokratik dhe të krenohesh me krimet e diktaturës kjo ndodh në Shqipëri.

Helena Kce studentja enveriste me deklaratën tënde ti the një të vërtetë që udhëheqësit e partisë tënde e fshehin përpara ndërkombëtarve , por deklerata juaj është këmbanë alarmi për rikthimin e diktaturës në një demokraci pa vlera.

E ku e di ti, se kjo parti ka vrarë dhe zhdukur mbi 6000 shqiptarë dhe ju ka zhdukur kufomat, se ka burgosur mbi 36.000 shqiptare dhe bashkohëse të gjyshes suaj dukei tortuar në mënyrë çnjerëzore si Marien Tucin duke i futur në pantollona macen deri kur i doli shpirti, sot Maria po të ishte gjallë do të kishte moshën e gjyshes tuaj. E ku e di ti moj vajzë që buzëqeshe në një kongres ku aty ishin trashgimtarët e xhelatëve që u morën shpirtin e 350 fëmijëve në kampin e Tepelenës, nga 0 deri në 5 vjeç duke mos lejuar ushqyerjen e tyre se janë fëmijë reaksionarësh. Deklarata jote gëzon xhelatët e vazhdimësisë , por u kujton shqiptarëve krimet makabre që ka bërë kjo parti që ti e voton me krenari.

Helena, nuk besoi se mbas kësaj deklarate do të penalizohej si Avokati Genc Gjokutaj se policia është e Enverit dhe Ramës.

Kështu ti vetëm mund të nderohesh se i shërbeve partisë ndaj armiqve.

Helmatisja e brezit të ri me ideologjinë primitive dhe reaksionare që himnizon kriminelin dhe krimin përbën aktin më të turpshëm dhe të papranueshëm  për një shoqëri demokratike.

Rikthimi i syve nga ato krime që kanë ndodhur në Shqipëri për 50 vite, është thirrja për të kuptuar se përveç përpjekjes për dije, na duhet edhe të kthejmë sytë nga njeriu, nga vetja, nga vlerat, që të mos rrëzohemi sërish.

Leximi i së djeshmes është njëkohësisht thirrja që të mos dorëzojmë para asnjë oferte lirinë tonë për të besuar, për të folur, për të guxuar. P

or në fillim, ama, le të dimë se cilët jemi… Kjo nevojë ka qenë për të gjitha vendet në ish-diktaturë, që në një mënyrë a në një tjetër kanë gjetur rrugëzgjidhje për të pranuar të vërtetat, duke na lënë të kuptojmë se harresa për atë kohë është thjesht një iluzion. 

Do të kujtojmë gjithnjë dhe kudo ata që persekutuan dhe ishin fytyra e regjimit komunist. Nuk do t’i harrojmë kurrë, dhe kështu duhet të bëjë shoqëria, në mënyrë që të kemi një ndërgjegje morale e të ndërtojmë një shoqëri pa konflikte por të dashur e paqësore.

“Këmbanat bien për të gjithë. Diktatura po troket nga indiferenca jonë. Heshtja vret lirinë. Shpresoj se pas kësaj thirrje të mbijetuarve të Diktaturës , do të zgjohen nga gjumi dhe opozita dhe Presidenti!/ CNA





Lajmet e fundit nga