E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Denoncimi i PD-së: Rama po fryn listat në Himarë, "votues strategjikë" që jetojnë vetëm disa javë

30 Korrik 2024, 12:48, Politikë CNA

Denoncimi i PD-së: Rama po fryn listat në Himarë, "votues

Ivi Kaso

Sekretari për Çështjet Ligjore në PD, Ivi Kaso, denoncoi sot nga selia blu se kryeministri Edi Rama po çon në Himarë "votues strategjikë", oligarkët që jetojnë disa javë aty, me qëllim që të marrin pjesë në procesin zgjedhor të 4 gushtit.

Kaso theksoi se lista përfundimtare e zgjedhësve, e prillit 2023, është fryrë duke e shtuar me 311 votues listën përfundimtare të korrikut 2024.

"I bëjmë thirrje Komisionerit të Zgjedhjeve të monitorojë dhe raportojë për situatën dhe organizatat partnere ndërkombëtare të mbajnë shënim dhe të reagojnë për këtë shtrembërim të hartës elektorale dhe vullnetit të votuesve himarjotë", u shpreh Kaso.

Deklarata e plotë:

Të dashur qytetarë:

Edi Rama dhe Vangjel Tavo po importojnë nga Tirana, Vlora dhe Fieri banorë dhe votues "part time" për të manipuluar, edhe njëherë tjetër, zgjedhjet në Bashkinë e Himarës. Duam t’u bëjmë me dije publikut dhe autoriteteve përkatëse se lista përfundimtare e zgjedhësve, e prillit 2023, është fryrë duke e shtuar me 311 votues listën përfundimtare të korrikut 2024.

Këta alienë nga planeti patronazhist i Ramës, pa lidhje me Himarën, janë regjistruar për të mundësuar një rezultat të favorshëm, për t’ia dhënë në tavë zgjedhjet Tavos së Ramës.

Këta 311 të transferuar në Bashkinë Himarë janë si më poshtë:

90 nga Bashkia Tiranë;

68 nga Bashkia Vlorë;

43 nga Bashkia Sarandë;

17 nga Bashkia Fier;

Etj.

Në total, duke pasur parasysh (i) transferimet, (ii) votuesit për herë të parë, (iii) ndarjet nga jeta, diferenca e numrit të zgjedhësve, nga lista e prillit 2023 në listën korrik 2024 është 252, në harkun kohor të një viti.

Ndërkohë, në harkun kohor të dy vjetëve 2021-2023, numri i zgjedhësve në këtë bashki është ulur me 8 zgjedhës.

Janë 157 raste të zgjedhësve me të njëjtin kod vendbanimi (brenda trungut familjar) që votojnë në QV të ndryshme, ndërkohë që ky numër ka qenë 32 për zgjedhjet e 14 majit (lista e prillit 2023).

Ky krahasim mjafton për të kuptuar se shtimi është artificial dhe është bërë me synime të manipulimit paraprak të rezultatit të zgjedhjeve në Himarë.

I trembur nga pësimi i vitit të shkuar me Fredi Belerin dhe më shumë pas alternativës së Petro Gjikurisë që koalicioni opozitar u ofron zgjedhësve të Himarës, një shqiptaro-amerikan të ndershëm, Edi Rama ka porositur oligarkët e tij në rezortet e Jonit që të regjistrojnë kë të mundin si votues në Himarë.

Pas ‘investitorëve strategjikë’ të shpikur nga rrethi i ngushtë për të betonizuar Bregun, Rama po dërgon në Himarë ‘votues strategjikë’, të dalë nga rrethi i oligarkëve të tij.

Biznesmenë shakaxhinj dhe gaztorë të oborrit të Ramës që jetojnë në Palasë apo Dhërmi për disa javë në verë, do të vendosin se kush e qeveris Himarën.

Dhe, kush më mirë se Tavo i Edit mund t’i mbajë ata në tavën e benefiteve, nga të cilat përfitojnë ata dhe humbasin himarjotët.

I bëjmë thirrje Komisionerit të Zgjedhjeve të monitorojë dhe raportojë për situatën dhe organizatave partnere ndërkombëtare të mbajnë shënim dhe të reagojnë për këtë shtrembërim të hartës elektorale dhe vullnetit të votuesve himarjotë.

Partia Demokratike dhe koalicioni ‘Bashkë Fitojmë’, janë të sigurt në fitoren e Petro Gjikurisë, një kandidati për Himarën e himarjotëve, jo oborrtarëve të Ramës, pushtues të vijës së parë të bregdetit jonian./CNA