web counter
LEXO PA REKLAMA!

SHKARKO APP

App Store
Google Play

E fundit!

x

ISP “shuplakë” PS-së dhe PD-së për Kodin Zgjedhor/ “Po penalizoni politikanët kurajozë dhe me integritet”

29 Korrik 2024, 16:54, Politikë CNA
ISP “shuplakë” PS-së dhe PD-së për Kodin
Instituti i Studimeve Politike (ISP)

Një “shuplakë” për partitë politike ka ardhur nga Instituti i Studimeve Politike (ISP), në lidhje me Kodin e ri Zgjedhor.

ISP deklaron se me ndryshimet e reja ligjore me konsensusin PS-PD, rreth 105-106 deputetë do të jenë të emëruar, pra pa mundësi reale votimi dhe konkurrimi.

ISP thotë se në këtë mënyrë do të penalizohen elitat moderatore dhe kritike, politikanët kurajozë dhe me integritet.

Gjithashtu, në raportin e Institutit të Studimeve Politike theksohet se emërimi i deputetëve sjell dobësimin e partive si institucione demokratike, identifikimin e tyre me liderin, fundin e demokracisë së brendshme partiake dhe renditjen e partive si institucionet më pak të besueshme në Shqipëri.

“Sistemi i deputetëve të emëruar penalizon elitat moderatore dhe kritike, politikanët kurajozë dhe me integritet, si dhe ushqehet nga politikanët 'yes-man', imitues e bodigardë të liderit politik emërtues të radhës.

Emërimi i parlamentit passjell emërimin e ministrave dhe qeverisë, emërimin e institucioneve kushtetuese që zgjidhen me 71 vota, përfshirë Presidentin e Republikës, dhe kështu, shndërrimin e sistemit politik dhe qeverisës në një sistem të emëruar, ku qytetarët, sovrani, ka rol vetëm formalizues dhe ku shanset për t’i dhënë jetë demokracisë funksionale dhe shtetit të së drejtës mbeten gjithnjë e më minimale. Kjo dukuri vjen paralelisht me dobësimin e partive si institucione demokratike, identifikimin e tyre me liderin, fundin e demokracisë së brendshme partiake dhe renditjen e partive si institucionet më pak të besueshme në Shqipëri. Ky fenomen vjen edhe në kontrast të thellë me premtimin për demokraci të viteve ’90 dhe njëherësh edhe si mentalitet e kulturë vijuese e sistemit të kaluar ku udhëheqësi / Byroja emëronte të gjithë shtetin dhe përmes tij, “në emër të popullit” kontrollonte shoqërinë”, nënvizon ISP./ CNA





Lajmet e fundit nga