web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Himarë/ PD takim me banorët në Kuç dhe Vranisht: Votoni Petro Gjikurinë

30 Korrik 2024, 11:21, Politikë CNA

Zgjedhjet në Himarë/ PD takim me banorët në Kuç dhe

Sekretari i Përgjithshëm i PD-së, Flamur Noka, i shoqëruar edhe nga drejtuesi politik i Qarkut Vlorë, Bujar Leskaj, si dhe kryetarët e PD-së së Vlorës dhe Himarës, Atird Hoxha dhe Afrovita Dhimojani kanë zhvilluar këtë të hënë takime në mbështetje të kandidatit të opozitës, Petro Gjikuria.

Takimi i radhës është zhvilluar në njësinë administrative Kuç dhe Vranisht ku Noka, Leskaj dhe kryetarët lokalë të PD-së kanë bërë thirrje që të votohet për kandidatin e opozitës, Petro Gjikuria.

"Erdhëm t’ju kërkojmë mbështetje për një figurë të pastër e dinjitoze si Petro Gjikuria. Zona juaj është harruar nga pushteti qendror dhe lokal, askush në 11 vjet nuk është kujtuar për ju. Vuani nga mungesa e ujit, papunësia, asnjë investim. Në 11 vite nuk kanë denjuar të kujtohen për, ndërsa tani vijnë gjithë hordhitë e administratës, SHISH, polici, tatime e të gjithë këtu për t’ju shantazhuar. Nuk ju premtojnë ujë, por duan t’ua marrin ujin për investitorët strategjik si Olta Xhaçka. Çdo pushtet vjen e jep llogari para qytetarëve, ndërsa këta jo. Këta vijnë për të shantazhuar e për të vjedhur. Harrojini siç ju kanë harruar. Refuzoni siç ju kanë refuzuar. Votoni Petron që bashkia t’u kthehet qytetarëve", është shprehur Sekretari i Përgjithshëm i PD-së, Flamur Noka, gjatë takimeve të zhvilluara në mbështetje të kandidatit për Himarën, Petro Gjikuria./CNA 





Lajmet e fundit nga