web counter
LEXO PA REKLAMA!

SHKARKO APP

App Store
Google Play

Humbësi serial “harron” disfatat/ Akuzon Berishën për pazar dhe shitje zgjedhjesh

29 Korrik 2024, 20:01, Politikë CNA
Humbësi serial “harron” disfatat/ Akuzon Berishën për
Lulzim Basha

Lulzim Basha, kryetari pa parti komentoi këtë të hënë në një takim në Tiranë, ndryshimet në qeveri të bëra nga kryeministri Edi Rama.

Për Bashën, këto ndryshime janë marrëveshja e radhës mes Ramës dhe kryetarit të PD-së, Sali Berisha, në mënyrë që ky i fundit t’i japë fitoren e radhës kryeministrit.

Luli, humbësi serial i opozitës, la në harresë faktin se kur ishte kreu i PD-së nuk ka fituar asnjë betejë zgjedhore përballë kryeministrit Edi Rama.

“Është e qartë pra që kemi të bëjmë me një pazar të pastër, Sali Berisha e ka shitur ndeshjen akoma pa filluar, sa i takon atij, për hallin e tij, për tekat e tij, le të rrijë edhe 4 vite të tjera Rama. Por halli i tij nuk është halli i demokratëve as halli i shqiptarëve. Halli i shqiptarëve ka një pikë të përbashkët që është Edi Rama, koka e këtij tumori gjigand në trupin e Shqipërisë. Ai është tumori, ministrat janë metastazat, hiq një minsitër, vendos një tjetër, nuk ka pikën e rëndësisë. Në fakt edhe rokada e ditës së diel me anonimët e futur në qeveri, nuk është gjë tjetër veçse një syshkelje cinike, përgjigjja e Edi Ramës ndaj teatër-kërkesës së teatër-opozitës të Berishës për qeveri teknike, dhe treguesi më i qartë, cinizmi më i mprehtë, për t’i thënë njëri-tjetrit, dhe socialistëve s’ka pikë rëndësie kush ikën e kush vjen, këtu jam unë dhe Sali Berisha, i cili del dhe thotë mos gënjeni se deputetët nuk janë të popullit, janë të partisë. Pra në një moment tregohet i sinqertë, nuk janë as të partisë, janë të tijët persona, bodigardët e tij, kështu i përfytyron dhe i do deputetët”, deklaroi ai.

Basha, ndër të tjera ripërsëriti idenë për të çuar në Gjykatën Kushtetuese, marrëveshjen për Kodin Zgjedhor, edhe pse një kryetar i ngelur i vetëm dhe pa parti, nuk mund ta bëjë një ankimim të tillë në Kushtetuese./ CNA





Lajmet e fundit nga