"Kishat e Shqipërisë - Historia, Arkitektura”/ Botohet punimi i Aleksandër Meksit

14 Qershor 2022, 14:47, Kulturë CNA
"Kishat e Shqipërisë - Historia, Arkitektura”/ Botohet
Aleksandër Meksi

Ish-kryeministri dhe studiuesi Aleksandër Meksi, bën të ditur se është botuar punimi "Kishat e Shqipërisë - Historia, Arkitektura, shek. IV-XV".

Në një postim në rrjetet sociale, Meksi shkruan se punimi ka si qëllim një njohje më të mirë e më të plotë nga të interesuarit për trashëgiminë dhe historinë e këtyre shekujve edhe me të dhënat më të fundit.

“Më në fund doli nga shtypi punimi im 'Kishat e Shqipërisë- Historia, Arkitektura, shek. IV-XV', Botuar nga 'Plejad'.

Është një paraqitje e ndërtimeve të kultit të krishterë që ruhen në territorin e sotëm të Shqipërisë përfshirë dhe ato të dala nga gërmimet arkeologjike mbështetur edhe në studimet e historianëve të arkitekturës dhe arkeologëve vendas e të huaj, me synimin e një njohjeje më të mirë e më të plotë nga të interesuarit për trashëgiminë dhe historinë e këtyre shekujve edhe me të dhënat më të fundit. Libri ka 625 faqe dhe 450 ilustrime (foto e vizatime) dhe është pajisur dhe me një përmbledhje në gjuhën angleze dhe diçiturat e ilustrimeve po në anglisht. Ndihem mi?ënjohës ndaj kolegëve që më ndihmuan me literaturë, ilustrime e sugjerime e vërejtje. Libri është rezultat i thuajse 60 viteve pune në këtë fushe.”-shkruan Meksi.

Kujtojmë këtu se Aleksandër Meksi është një studiues, restaurator i monumenteve të arkitekturës mesjetare (kryesisht kisha e xhami) si dhe ka qenë kryeministër i shtetit shqiptar./CNA.al

"Kishat e Shqipërisë - Historia, Arkitektura”/ Botohet

Lajmet e fundit nga