web counter
LEXO PA REKLAMA!

SHKARKO APP

App Store
Google Play

Qyteti i kulturës dhe traditave/ Për të gjithë ata që e humbën, pak nga ngjyrat dhe festa e karnavaleve në Korçë

5 Qershor 2022, 10:36, Kulturë CNA
Qyteti i kulturës dhe traditave/ Për të gjithë ata që e
Pamje nga Karnavalet në Korçë

Korça është një nga qytetet e traditave dhe kulturës. Karnavalet janë një nga festat më të bujshme të këtij qytetit, që nuk e lëshon traditën. Ashtu si çdo vit edhe këtë vit, ngjyra dhe festa nuk munguan në Korçë. Të shumtë kanë qenë njerëzit që kanë sjellë personzhe të ndryshme përmes maskimeve të tyre.

Karnavalet kanë filluar të festohen në Korçë para viteve ’40, periudhë në të cilën jeta kulturore në këtë qytet ka qenë e larmishme. Megjithëse një festë pagane, Karnavalet më vonë festoheshin ditën e Ndjesave në muajin shkurt. Veç individëve të shumtë të veshur karnavale, kishte edhe grupe me kitara, këmbajka dhe maska butaforike si koka kafshësh dhe njerëzish. Karnavalet e Korçës morën një hov të madh pas krijimit të shoqërive kulturore si “Rinia Korçare”. Në këtë periudhë karnavalet shoqëroheshin me mandolina, kitara dhe këngë humoristike. Ato festohen në fillim të qershorit. Në festën e Karnavaleve bëhen parada te ndryshme ku njerëzit vishen me rroba dhe maska të ndryshme.

Festimi i Karnavaleve u ndërpre pas viteve '60, për të rifilluar në kushte të tjera shoqërore pas viteve '90.

Korça është një ndër qytetet e para që rizgjoi traditën e karnavaleve duke krijuar në vitin 1992 Shoqatën e Karnavalit si pjesë e Shoqatës Kombëtare të Karnavalit Shqiptar. Në 10 prill të vitit 1994, në Korçë organizohet Festivali i Parë Ndërkombëtar i Karnavalit në Shqipëri. Një vit më pas organizohet Festivali i dytë Ndërkombëtar i Karnavalit me përmasa akoma më të mëdha. Që nga ky vit dhe deri në vitin 2008, grupi i Karnavaleve të Korçës është përfaqësuar në një sërë festivalesh ndërkombëtare të organizuara në vende të ndryshme europiane.

Për më tepër për të gjithë ata që e humbën mund të shihni disa nga fotot në galerinë e mëposhtme./ CNA.al





Lajmet e fundit nga