web counter
LEXO PA REKLAMA!

SHKARKO APP

App Store
Google Play

Ndahet nga jeta në moshën 57-vjeçare/ Kush ishte Enea Zhegu, rolet e tij më të spikatura në kinematografinë shqiptare

29 Maj 2022, 10:38, Kulturë CNA
Ndahet nga jeta në moshën 57-vjeçare/ Kush ishte Enea Zhegu,
Enea Zhegu, në rolin e Tomkës

Aktori i njohur dhe i dashur për publikun shqiptar, Enea Zhegu, ka ndërruar jetë pas një beteje të gjatë me sëmundjen.

Zhegu kishte fituar zemrat e shqiptarëve me rolet e tij në "Tomka dhe shokët e tij" dhe "Lulëkuqet mbi mure".

Pak nga jeta e Enea Zhegut

Enea Zhegu lindi më 9 korrik 1964 dhe kishte mbaruar studimet në Insitutin e Lartë të Arteve për aktor. Ai e filloi veprimtarinë e tij në filmin shqiptar që në moshë 12-vjeçare, duke u angazhuar nga regjisori i mirënjohur Dhimitër Anagnosti, për të interpretuar në filmin “Lulëkuqet mbi mure” në vitin 1976, ku interpretoi me shumë sukses rolin e Lelos. Një vit më pas, 1977, spikati me rolin e Zigurit në filmin “Njeriu me top” dhe veçanërisht shkëlqeu me atë të Tomkës në “Tomka dhe shokët e tij”, rol i cili e bëri të njohur dhe e identifikonte te publiku.

Në vitin 1986 interpretoi përsëri një rol kryesor në filmin “Një jetë më shumë”, i cili do të ishte dhe roli i tij i fundit dhe shkëputja nga kinematografia shqiptare.

Në vitin 1990 emigron në Greqi e pas disa viteve në Itali. Në ditët e para të kthimit në Tiranë, do të shkonte në Akademinë e Arteve sepse donte që ta niste aty ku edhe u shkëput në vitet e shkuara.

Ndërsa në vitin 2013, regjisori Besnik Bisha e afron në stafin e serialit “Millenium”, duke luajtur një rol kryesor së bashku me aktorin e mirënjohur Ndriçim Xhepa.

 





Lajmet e fundit nga