web counter
LEXO PA REKLAMA!

SHKARKO APP

App Store
Google Play

E fundit!

x

Përdhosja e objekteve kishtare në klipin e Veshajve/ Kisha Orthodhokse apel institucioneve shtetërore

12 Maj 2022, 18:10, Kulturë CNA

Kisha Orthodhokse Autoqefale e Shqipërisë, ka dalë me një tjetër reagim pas lajmit se ka ngritur padi ndaj drejtoreshës të Muzeut kombëtar të Artit Mesjetar të Korçës dhe ministres Elva Margariti.

Padia ka ardhur për shkak se vëllezërit binjakë Donald dhe Romeo Veshaj së bashku me këngëtarin Elgid Doda, kanë realizuar videoklip me femra të zhveshura duke u fërkuar pas tyre, ndërsa këto skena janë cilësuar të pamoralshme në muzeun e artit mesjetar.

Në reagimin e Kishës Orthodhokse, theksohet se është e papranueshme dhe e dhimbshme, që objektet e shenjta të trajtohen në mënyrë të papërgjegjshme nga ato institucione, të cilat pretendohet se duhet t?i ruajnë dhe t?i mbrojnë.

Kisha Orthodhokse i bën apel gjithashtu institucioneve shtetërore të tregohen me të kujdesshme dhe të ndjeshme ndaj objekteve kishtare dhe të respektojë ndjenjat fetare të Komunitetit Orthodhoks, duke mos lejuar përdhosjen e tyre.

Shqetësim për përdhosjen e përsëritur të objekteve kishtare 

Shprehim shqetësimin, keqardhjen dhe indinjatën tonë për përdhosjen e radhës ndaj objekteve liturgjike të Kishës Orthodhokse Autoqefale të Shqipërisë, një nga trashëgimitë më të mëdha të kulturës së popullit tonë.

Videoklipi muzikor ?Picasso? xhiruar në Muzeun e Artit Mesjetar në Korçë, para ikonostasit të Rehovës (që padrejtësisht nuk i është kthyer akoma Kishës Orthodhokse, nën pretekstin e ?ruajtjes? së kësaj trashëgimie të çmuar?), është një shenjë e dukshme mosrespektimi ndaj këtyre vlerave shpirtërore. Ky mjedis, për vlerat që pasqyron, është krejt i papërshtatshëm për promovimin e një lloji të tillë muzike.

Aty, në respekt të traditës dhe kulturës që i ka krijuar këto objekte të shenjta, do përshtateshin tingujt e Muzikës Bizantine dhe jo tinguj që i fyejnë ato dhe trashëgiminë kulturore të vendit tonë.

Ikonat janë objekte liturgjike të shenjta, të cilave besimtarët orthodhoksë iu afrohen me nderim dhe respekt të veçantë. Prandaj, është e papranueshme dhe e dhimbshme, që ato të trajtohen në mënyrë të papërgjegjshme nga ato institucione, të cilat pretendohet se duhet t?i ruajnë dhe t?i mbrojnë. Për këtë arsye kërkojmë përsëri, që ato t?i kthehen Kishës Orthodhokse (në bazë të Ligjit 10057, neni 22/2, datë 22.1.2009, ?Marrëveshja ndërmjet Këshillit të Ministrave të Republikës së Shqipërisë dhe Kishës Orthodhokse Autoqefale të Shqipërisë?), e cila jo vetëm i ka krijuar, por edhe i ka ruajtur me mund të madh ndër shekuj. Ikonat ruhen dhe mbrohen më mirë në ambientet kishtare, sepse janë objekte të shenjta liturgjike dhe pjesë e dukshme e shprehjes së besimit orthodhoks.

Lutemi dhe shpresojmë që Ministria e Kulturës të tregohet e kujdesshme dhe e ndjeshme ndaj objekteve kishtare dhe të respektojë ndjenjat fetare të Komunitetit Orthodhoks, duke mos lejuar përdhosjen e tyre.

Zyra e Shtypit e Kishës Orthodhokse Autoqefale të Shqipërisë

Tiranë, 12 maj 2022





Lajmet e fundit nga