Arti në zi/ Shuhet në moshën 80-vjeçare shkrimtari Luan Starova

24 Shkurt 2022, 19:06, Kulturë CNA
Arti në zi/ Shuhet në moshën 80-vjeçare shkrimtari Luan

Është ndarë nga jeta në moshën 80-vjeçare shkrimtari dhe akademiku i njohur shqiptar Luan Starova.

Lajmin e hidhur e ka bërë me dije vajza e tij në një status në rrjetet sociale, Blerina Starova.

?Na le pa fjalë dhe me kujtime të paharrueshme babi  Me dhimbje të madhe ju njoftojmë se sot ndërroi jetë gjyshi, bashkëshorti dhe babai ynë Luan Starova.

Varrimi do të jetë nesër më 25. 02.2022 në varrezat në Butel, ndërsa falja në Xhaminë e Çairit në Namazin e Xhumasë. Për shkak të pandemisë, të pame nuk do të ketë?, shkruan Blerina Starova.

Luan Starova u lind në Pogradec ndërsa më pas familja e tij u shpërngul në Strugë, kur ai ishte fëmijë ku dhe jetoi deri në ditët e fundit.

Luan Starova njihet edhe si përkthyes i veprave letrare franceze në shqip dhe maqedonisht.  Që nga viti 1972, Luan Starova mori pjesë në organizimin e Mbrëmjeve të përvitshme të Poezisë strugane.

Në vitin 2017 iu dha Legjioni Francez i Nderit, gradë oficer.

Starova botoi 7 romane, dy vëllime me tregime, një poezi, disa vëllime me ese dhe studime. Gjithashtu Luan Starova ka përkthyer edhe vepra të poetëve të njohur francezë në gjuhën shqipe dhe atë maqedonase.

Pas botimit të katër romaneve të para në frëngjisht: tre nga ?Fayard? në Paris ( ?Librat e Babait?, ?Koha e dhive? dhe ?Muzeu i ateizmit? ) dhe një prej ?Les Editions de l?Aube? ( ?Bregu i egzilit? ), disa nga veprat e tij u përkthyen në 14 gjuhë të ndryshme./CNA.al

Lajmet e fundit nga