web counter
LEXO PA REKLAMA!

SHKARKO APP

App Store
Google Play

“Ballo me maska”, Verdi “zbret” në Teatrin e Operas dhe Baletit

30 Maj 2022, 21:13, Kulturë CNA

 

“Ballo me maska”, Verdi “zbret” në Teatrin e Operas
Ballo me maska

Katër ditët e ardhshme, Teatri Kombëtar i Operas dhe Baletit do t'i hapë dyert për Teatrin Regio di Parma, i cili do të vërë në skenë “Ballo me Maska” të Verdit.

“Ballo me maska” nuk do të jetë shfaqja e vetme që do të sjellë Verdin në Tiranë pasi drejtoresha e këtij institucioni tregon se do të ketë edhe takime të tjera me publikun, një sërë takimesh ku kalimtarët do të prezantohen me Verdin, edhe jashtë TOB, por kryefjala këtë javë është balloja me maska.

“Vepra ka në brendësi të gjitha emocionet njerëzore, komplotin politik, acidin e xhelozisë, ka frikën e vetmisë dhe magjinë e moralit që tejkalon të gjitha këto, nën muzikën e mrekullueshme të Verdit”, deklaroi Zana Çela.

“Ballo me maska” me skenografinë e vitit 1913, rikonstruktuar pak kohë më parë, por me një staf teknik italian bën bashkë nën magjinë e Verdit edhe artistë shqiptarë e italianë.

“Është një shfaqje e mbushur me pozitivitet dhe dashuri. Kemi punuar dy stafet, ai i teatrit Regio di parma dhe artistët shqiptarë për të sjellë veprën më të vjetër të teatrit tonë. Është kënaqësi bashkëpunimi, që nga përzgjedhja e kasteve e deri në detajet e tjera teknike”, deklaroi Marina Bianchi, drejtoreshë e Teatro Regio.

Kjo shfaqje do të hapë siparin edhe për eventet të tjera që këtë javë mbërrijnë nga kultura e vendit fqinj. Nuk u shmang as pyetja se si po shkon procesi i konkursit për kreun e ri të TOB./CNA.al

“Në datë 7 qershor kemi paraqitjen e kandidateve para komisionit, që është një miks me elementë shqiptarë dhe të huaj”, zbuloi ministrja e Kulturës Elva Margariti.

Ndaj, për më shumë informacione mbi kandidatët apo platformat e tyre do të duhet të presim deri më 7 qershor, e deri atëherë ditët e Verdit është ajo që gjeni brenda dhe jashtë Teatrit të Operas dhe Baletit.





Lajmet e fundit nga