web counter
LEXO PA REKLAMA!

SHKARKO APP

App Store
Google Play

E fundit!

x

Vizitorët në Korçë/ Koki: Po tregohet interes për turizmin kulturor

11 Qershor 2022, 22:46, Kulturë CNA
Vizitorët në Korçë/ Koki: Po tregohet interes për
Foto ilustruese

Qyteti i Korçës ka qenë gjithmon në fokusin e turistëve, për bukuritë natyrore dhe kulturore që ofron.

Sipas drejtorit të Monumenteve dhe Kulturës në Korçë, Gjergji Koki, qyteti i Korçës ka potenciale të mëdha për të zhvilluar turizmin kulturor.

Ai ka sqaruar se Komitetit Rajonal i Turizmit, i cili është mbajtur në Pogradec, ka vendosur që Korça të ketë në fokus zhvillimin e turizmit kulturor.

Gjergji Koki është shprehur se harmonia fetare dhe objektet e kultit po tërheqin vëmendjen e të huajve në Korçë.

“Vitet e fundit është parë që të gjitha grupet që vizitojnë Shqipërinë, që janë grupe të huajsh, kanë një interes të shtuar për turizmin kulturor. Ai është interesi më i madh që ata kanë, përveçse shijojnë gastronominë e jashtëzakonshme e kanë të pamundur të shkëputen nga objektet e kultit dhe objektet të cilat gjenerojnë trashëgimi”, u shpreh ai.

Për këtë arsye, ministria e kulturës ka ndërmarrë një nismë e cila synon investimin në objektet e vjetra fetare.

Koki tha se “Rrugët e Besimit” është një nismë e cilat synon të krijojë intinerare në qarkun Korçë – Berat, për të krijuar rrugë lidhëse të cilat janë parashikuar me ndërhyrjen në peizazhin e objekteve të kultit, kishave, xhamive, tyrbeve që ndodhen në këtë rajon për t'i kthyer ato në objekte të cilat gjenerojnë turizëm”.

Qarku i Korçës ka me dhjetëra objekte fetare qindravjeçare, ndërkohë në fokus të Komitetit Rajonal të Turizmit ka qenë dhe bashkëpunimi midis 6 bashkive të këtij qarku./CNA.al 





Lajmet e fundit nga