web counter
LEXO PA REKLAMA!

SHKARKO APP

App Store
Google Play

“Në pijetore unë jam ulur”/ Historia e pabesueshme e kompozimit të serenatës më të famshme korçare

8 Qershor 2022, 12:13, Kulturë CNA
“Në pijetore unë jam ulur”/ Historia e pabesueshme e
Foto ilustruese

“Në pijetore unë jam ulur”, është një nga serenatat më të njohura, të dëgjuara e të pëlqyera korçare e risjellë dhe e kënduar me shumë profesionalizëm nga vëllezërit Endri dhe Stefi Prifti.

Por a e dini historinë e kompozimit të kësaj kënge?

Historinë e ka rrëfyer një ish-i përndjekur politik, Bujar Bakalli, rrëfimi i të cilit është publikuar nga Xhimi Begeja.

Bakalli rrëfen se kjo këngë është kompozuar në burgun e Spaçit, duke rrëfyer edhe detajet.

"NË  PIJETORE UNË JAM  ULUR"

"Historia e serenatës mes telave me gjëmba"

Jam në një mbrëmje me familjen e z.Bujar Bakalli, disident e patriot dhe një ish-i dënuar politik i Spaçit.

Mes gëzimit në darkën familjare, dëgjojmë e këndojmë këngën "Në pijetore unë jam ulur" të kënduar nga vëllezërit Prifti.

Mbas mbarimit të këngës, Bujari më thotë,

- Kjo këngë është kompozuar në burgun e Spaçit.

  Më erdhi habi dhe e pyes.

- Kush janë autorët ?

Dhe ai vazhdon me një dhimbje, që vinte nga shpirti i tij.

-Muzikën e bëri Andon Vanko, korçar, i dënuar me 20 vite burg, tekstin e saj poetët Astrit Delvina dhe Gëzim Medolli, edhe këta të dënuar politikisht me nga 21 vite burg.

Ndez një cigare e vazhdon me nostalgji nën tingujt e bukur të serenatës...

- Orkestrimin e bëri Ali Hoxha, me epitetin Li Trompa, kish mbaruar konservatorin në  Pragë, Çekosllavi,  për vegla frymore, i dënuar politikisht dhe ka bërë mbi 17 vite burg.

Origjinali i kësaj kënge është kënduar nga të burgosurit e Spaçit të përshtatur nga maestro Lluk Kaçaj, një bas i kalibrit botëror ku mes "këngëtareve të Spaçit" ishte Stavri Rafaeli, një nga tenorët më të shquar lirik të kohës, i dënuar me 25 vite burg dhe mes tjerëve isha dhe unë -thotë Bujari ( i arrestuar në vitin e tretë ne Liceun e Tiranës ku studionte për violinë e bëri 15 vite burg)”, shkruan ndër të tjera Xhimi Begeja, teksa rrëfen historinë e treguar nga Bujar Bakalli./ CNA.al





Lajmet e fundit nga