“Xhino është dashuria dhe dhimbja ime”/ Eva Alikaj rrëfen periudhën e vështirë pas ndarjes nga ish-bashkëshorti

6 Qershor 2022, 12:25, Kulturë CNA

“Xhino është dashuria dhe dhimbja ime”/ Eva Alikaj

Aktorja e mirënjohur, Eva Alikaj, e ftuar këtë diel në programin “Dola te Ola”, ku ndër të tjera ka folur për momentin e vështirë që ajo ka kaluar pas ndarjes nga ish-bashkëshorti.

Ajo rrëfeu se është ndarë nga ish-bashkëshorti austriak kur djali i saj Xhino ka qenë 4 vjeç, duke kujtuar se periudha pas ndarjes ka qenë jo fort e lehtë, pasi ishte një grua e vetme, me një fëmijë të vogël, në një kohë kur as gjuhën nuk e dinte mirë.

“Xhino është dashuria dhe dhimbja ime”, tha Eva.

Aktorja e njohur tregoi se me rritjen e djalit është marrë vet, pasi babai i Xhinos nuk ka qenë prezent në jetën e tij.

“Nuk e kam përkëdhelur aq sa duhet. Isha dhe burrë dhe grua. Xhino ishte shumë i talentuar dhe kur je në muzikë klasike duhet përkushtim.

Unë nuk kisha shumë durim, për shkak të ngarkesës në punë, që t’i ofroja atij qetësinë që i duhej”.

Gjatë programit Eva Alikaj mori një videomesazh emocionues nga i biri në gjuhën shqipe, i cili i shprehu publikisht mirënjohjen për çdo gjë që aktorja ka sakrifikuar për të.

Eva me shumë krenari tregoi se i biri është një djalë i përkushtuar dhe i dashur jo vetëm me të, por edhe me prindërit e saj. Ajo zbuloi se tashmë Xhino është i dashuruar me një vajzë italo-zvicerane.

Lajmet e fundit nga