web counter
LEXO PA REKLAMA!

SHKARKO APP

App Store
Google Play

E fundit!

x

Stadiumi “Skënderbeu”/ Filo: Do ta shndërrojë Korçën në qendër të aktiviteteve kombëtare dhe ndërkombëtare

2 Maj 2023, 09:57, Aktualitet CNA

Stadiumi “Skënderbeu”/ Filo: Do ta shndërrojë

Kreu aktual i Bashkisë së Korçës, Sotiraq Filo, e ka konsideruar një projekt shumë të madh, ndërtimin e stadiumit të ri në qytetin e Korçës.

Filo shprehet se ky projekt do të krijojë kushte më të mira për ekipet sportive dhe do ta shndërrojë Korçën në qendrën e zhvillimit të aktiviteteve sportive kombëtare dhe ndërkombëtare.

Gjithashtu krijon potencial për të zhvilluar edhe më shumë turizmin.

“Një projekt i madh, ndërtimi i stadiumit të ri të Korçës.

Projekti i sotëm i stadiumit, i pishinës, i Pallatit të Sportit do të përmbyllë një ndërhyrje madhore që kemi pasur para ca vitesh për ndërtimin e zonës sportive të qytetit. Unë besoj se falë këtij projekti, do të krijojmë kushte shumë të mira për ekipet sportive që do të stërviten.

Do të kemi potencialin ta shndërrojmë Korçën në qendrën e zhvillimit të aktivitete sportive kombëtare dhe ndërkombëtare. Kemi potencialin për të zhvilluar turizmin.

Stadiumi, pishina, Pallati i Sportit, do të krijojnë një tjetër zhvillim”, tha Filo./ CNA.al





Lajmet e fundit nga