web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi i Luiz Ejllit për Benet Becin/ Erion Dasho: Lot të sinqertë apo lot krokodili?

1 Maj 2023, 10:14, Aktualitet CNA
Rrëfimi i Luiz Ejllit për Benet Becin/ Erion Dasho: Lot të
Mjeku Erion Dasho

Mjeku Erion Dasho ka thumbuar të gjitha mediat që i bënë jehonë rrëfimit të këngëtarit Luiz Ejlli, i cili tregoi se, Benet Beci,  kandidati socialist për Bashkinë e Shkodrës, e kishte ndihmuar në një moment të vështirë të jetës së tij.

Dasho në një reagim në rrjetet sociale, shkruan se në një format si "Big Brother VIP" mirënjohja dhe sinqeriteti është shumë e vështirë të dallohen për shkak të skenarëve të parapërgatitur.

Aq më tepër, ku prej një muaji, sipas Dashos, përflitej se Luizi po përgatitej për t'u përfshirë në fushatën elektorale të Rilindjes në Shkodër.

Mjeku thekson se, fansat e Luizit dhe shqiptarët kanë të drejtë të dyshojnë nëse lotët e tij janë lot të sinqertë apo lot krokodili të sajuar nga skenaristët e "BBV" dhe të Rilindjes.

“LOT TË SINQERTË APO LOT KROKODILI?!

Mediat pro-Boratit nuk mund të mos i bënin jehonë deklaratës "me lot në sy" të Luizit se Benet Beci e ka ndihmuar në një moment të vështirë të jetës.

Problemi është se në një format si BBV është e vështirë të dallosh mirënjohjen e vërtetë dhe sinqeritetin nga stisja dhe skenarët e parapërgatitur. Aq më tepër, kur prej një muaji përflitej se Luizi po përgatitej për t'u përfshirë në fushatën elektorale të Rilindjes në Shkodër.

Fansat e Luizit dhe shqiptarët kanë të drejtë të dyshojnë nëse lotët e beniaminit të tyre janë lot të sinqertë apo lot krokodili të sajuar nga skenaristët e BBV dhe spin doctors të Rilindjes”, shkruan Dasho.

Kujtojmë se CNA një ditë më parë, publikoi një dokument prej 5 faqesh, i cili mban firmën e ish-ministres së Drejtësisë, Etilda Gjonaj, ku zbulohej se si qëndronte e vërteta e heqjes së licencës së Luiz Ejllit.

Luiz Ejlli ishte pajisur me licencë noteri dhe sipas dokumentit licenca i është hequr sepse ai nuk ushtronte aktivitetin dhe nuk gjendej në zyrë, pra nuk hapte zyrën.

Gjithçka është konfirmuar në disa rrugë, nga posta, nga inspektimi i Ministrisë së Drejtësisë, nga bashkëpunimi me Zyrën Vendore të Noterëve në Tiranë e kështu me radhë.

Pra, Luiz Ejllit nuk i është hequr licenca e noterit për arsye politike apo për ndonjë arsye tjetër se ishte shumë i zoti.

Në fakt, licenca i është hequr, sepse nuk punonte, nuk ushtronte aktivitetin, sipas të dhënave në QKB, rezulton edhe se aktiviteti i tij ishte i hapur në vitin 2020, por sipas regjistrit të noterëve ku mblidhen, regjistrohen të gjitha aktet noteriale, Luiz Ejlli nuk ushtronte aktivitetin e tij nga maji i vitit 2018.

Ndërsa licenca i është hequr në mars të vitit 2021./ CNA.al

 





Lajmet e fundit nga