web counter
LEXO PA REKLAMA!

SHKARKO APP

App Store
Google Play

“Shkrirja” e 9 Gjykatave/ Meta: Ramaforma po shkatërron aksesin e qytetarëve për drejtësi

1 Maj 2023, 13:49, Aktualitet CNA
“Shkrirja” e 9 Gjykatave/ Meta: Ramaforma po shkatërron aksesin
Kreu i Partisë së Lirisë, Ilir Meta

Kreu i Partisë së Lirisë, Ilir Meta, ka reaguar në lidhje me ndryshimet në hartën e re gjyqësore dhe shkrirjen e 9 gjykatave të Shkallës së Parë.

Në një deklaratë për mediat, Meta shprehet se kjo hartë e re gjyqësore po shkatërron aksesin e qytetarëve për drejtësi dhe po u rrit koston që t’i lërë pa drejtësi.

Kreu i PL-së, thotë se në 14 maj qytetarët e Shqipërisë do të votojnë kundër Ramaformës që po e bën drejtësinë më të pamundur dhe të paarritshme.

“Gjykatat e Shkallës së Parë do të mbyllen dhe në Lushnje, në Pogradec, Kavajë, në Kurbin, në Krujë, në Mat, në Tropojë Përmet e të tjerë.

Në kundërshtim të plotë me gjithë premtimet e bëra, po shkatërron aksesin e qytetarëve për drejtësi. Po shton zvarritjen dhe po u rrit koston që t'i lërë pa drejtësi. Kjo hartë e re gjyqësore nuk merr parasysh problematikën më delikate si largësia, ku shumë qytetarë nuk kanë mundësi të paguajnë transportin.

Shkatërron mundësinë për akses në drejtësi.

Me 14 maj qytetarët e Shqipërisë do të votojnë kundër Ramaformës që po e bën drejtësinë më të pamudnur, më të paarritshme për qytetarët”, është shprehur Meta./ CNA.al





Lajmet e fundit nga