LEXO PA REKLAMA!

SHKARKO APP

E fundit!

x

Kokaina në kontejnerin e “Bana King”/ Artan Hoxha: Mund të dalin e-maile të tjera nga DEA

22 Shtator 2022, 23:05, Aktualitet CNA
Kokaina në kontejnerin e “Bana King”/ Artan Hoxha: Mund të
Gazetari Artan Hoxha

Gazetari Artan Hoxha, ka folur sërish për arkat e munguara në konteinerin e “Bana King”, që dyshohet se ishin me drogë.

Hoxha shpjegoi zanafillën e arkave të zhdukura dhe u ndal tek e-maili i DEA-s drejtuar autoriteteve shqiptare, e cila ka njoftuar se kompania që importon banane në markën "Bana King", trafikon kokainë. 

Gazetari tha në emisionin "Të Paekspozuarit" se mund të ketë e-maile të tjera të DEA-s që do të publikohen.

Pjesë nga deklarata e Artan Hoxhës:

Kjo është kompania më e madhe në treg dhe ka pjesën lider të tregut, për shkak edhe të disa situatave të krijuara në Shqipëri dhe disa aksioneve të Policisë së Shtetit, dhe aksione të prokurorisë së Durërsit dhe SPAK, duke goditur një sërë operatorësh në treg.

Një kompanie tjetër, Alba Exotic, i kapeshin nga pjesa frigoriferike, e mbytën fare atë, janë në burg.

Në 30 dhjetor, në portin e Durrësit, skaneri konstaton se kontenierit të ardhur nga Amerika Latine i mungonin 106 arka.

Çfarë ka ndodhur?

Çuditërisht policia nuk ka patur asnjë informacion për atë lëvizje.

Policia e Shtetit njoftohet direkt, jo nga administratori apo kompania, por nga pronari në SHBA, ai njofton drejtorin. Në raste të tjera nuk ndodhi kështu.

Pasi kontaktoi drejtori i krimeve, i thotë do të vijmë nesër.

Policia është njoftuar se traileri që po lëvizte nga Durrësi, është grabitur në Romanatë.

Policia hyn dhe kontrollon kontenierin. Gjatë kontrollit, gjenden 7 arka me 119 kg kokainë.

Nga këtu nis historia. Këtë çështje nuk e ka SPAK as sot e kësaj dite, por prokurori i Durrësit.

Sigurisht kam kontaktuar edhe me drejtuesit e kompanisë dhe më kanë thënë që ne nuk jemi të përfshirë. I thashë në të gjithë rastet edhe kur është kapur në pjesën frigoriferike kokaina, të tjerët kanë patur tjetër standard. Në rastin tuaj është gjetur brenda arkave me banane, do të thotë është future që atje (Ekuador).

Nga informacioni që ka dhënë DEA, ka dalë një email, por besoj do të kemi të tjera.

DEA i qëndron linjës që ju kemi lajmëruar.

Aty nuk kanë qenë 119 kg, por 1921 kg, gati dy ton kokainë. Një ton është marrë dhe kishin mbetur këto arka. Nuk e kanë gjetur të gjithë ngarkesën dhe kanë dalë në Romanat të marrin pjesën tjetër. E kanë marrë një pjesë në Romanat. Është menduar se nuk ka më kontaminim, por u gjetën 119 kg.

Pas rastit të parë, kur po harrohej çështja, pamë një fushatë të jashtëzakonshme në media.

Kam qëlluar në emisione, kur flisja për këtë histori, atje poshtë dilte brandi, reklama e Bana King.

Herë tjetër një moderator më tha shiko aty poshtë se kam këtë…

Çudia më e madhe ishte gjatë ndeshjes së kombëtares. Në stadiumin “Air Albania”, në ndeshjen e Shqipërisë me Izraelin, shohim reklamat, zverdhet dhe ishte futur reklama edhe aty. Nuk kam parë ndonjëherë reklamë bananesh në ndeshjen e kombëtares, sepse është shumë e kushtueshme ajo reklamë.

Në Ekuador, pashë që këtu na gënjejnë duke na thënë se atje kontenierët skanohen. Në Guayaquil, takuam drejtoreshën e doganave. Përveç portit që ia kishin dhënë një koncesionari, që kishte skaner, të tjera nuk kanë./ B.A. - CNA.al

Lajmet e fundit nga