LEXO PA REKLAMA!

SHKARKO APP

287 mijë euro për botox/ SPAK regjistron padinë e avokatit ndaj Metës dhe Kryemadhit

22 Shtator 2022, 19:16, Aktualitet CNA
287 mijë euro për botox/ SPAK regjistron padinë e avokatit ndaj
Foto ilustruese

Prokuroria e Posaçma ka regjistruar procedimin penal ndaj ish Presidentit Ilir Meta në bazë të kallëzimit të bërë nga avokati Idajet Beqiri për disa vepra penale mes të cilave korrupsioni, pastrimi i parave dhe fshehja e pasurisë.

Sipas Tv Klan, hetimi është në fazën paraprake tëtij ku prokurorët do të verifikojnë dokumentacionin.

Kallëzimi kishte në fokus trajtimet estetike, që sipas denoncuesit, kryetari i Partisë së Lirisë, Ilir Meta dhe Monika Kryemadhi kanë kryer në spitale jashtë vendit në San Marino dhe Vjenë.

Avokati Idajet Beqiri ka sqaruar se ka dorëzuar në SPAK një faturë me vlerë mbi 287 mijë Euro për të cilën thotë se është pagesa për një ndërhyrje të kryer nga Monika Kryemadhi dhe transferta është bërë nga një llogari offshore në Qipro.

Më herët është konfirmuar se në bazë të dy kallëzimeve, SPAK ka regjistruar edhe dy hetime për fshehje pasurie.

Kujtojmë se ish-deputeti Halit Valteri, regjistroi më herët një padi ndaj Presidentit të asaj kohe me argumentin se kishte kryer korrupsion.

Pjesë e asaj padie janë edhe Monika Kryemadhi si edhe Vangjel Tavo.

Ai i akuzon ata për korrupsion aktiv dhe pasiv në sektorin privat, për fshehje të pasurisë, mospagim të taksave dhe tatimeve dhe shpërdorim detyre.

Valteri theksoi se dispononte të dhëna që ngrenë dyshime për konsumimin e këtyre veprave penale./ CNA.al

Lajmet e fundit nga