web counter
LEXO PA REKLAMA!

SHKARKO APP

App Store
Google Play

E fundit!

x

Breshëri plumbash teksa pinte kafen/ Del emri i personit që ekzekutoi 19-vjeçarin

22 Shtator 2022, 19:15, Aktualitet CNA

Breshëri plumbash teksa pinte kafen/ Del emri i personit që ekzekutoi

Bajram Çekorja është emri i personit, të cilin Policia e Shkodrës ka shpallur në kërkim për vrasjen e 19-vjeçarit Erjon Xhenje. 

Vrasja ka ndodhur mbrëmjen e së dielës që lamë pas (18 shtator), ku 19-vje?5ari Erjon Xhenje, u ekzekutua në bulevardin "Bujar Bishanaku".

Po ashtu mësohet se në kërkim janë shpallur edhe dy persona të tjerë. 

Kujtojmë se një javë para se të ndodhte vrasja e 19-vjeçarit, u ekzekutua 57-vjeçari Ismet Çekorja, i cili është babai i Bajram Çekorjas.

Njoftimi i policisë:

Identifikohet dhe shpallet në kërkim një 24-vjeçar, i dyshuar si autori kryesor i ngjarjes së ndodhur në datën 18.09.2022, në bulevardin “Bujar Bishanaku”, ku mbeti i vrarë me armë zjarri një shtetas.


Nga strukturat e Drejtorisë Vendore të Policisë Shkodër, falë veprimeve të shpejta hetimore për zbardhjen e ngjarjes të ndodhur më datë 18.09.2022, në bulevardin “Bujar Bishanaku”, ku mbeti i vrarë me armë zjarri një 19-vjeçar, është identifikuar dhe shpallur në kërkim shtetasi B. Ç., 24 vjeç, banues në Shkodër, i dyshuar si autori kryesor i kësaj ngjarjeje.

Nga veprimet hetimore dhe provat e grumbulluara dyshohet se shtetasi B. Ç., më datë 18.09.2022, rreth orës 20:10, në një lokal në bulevardin “Bujar Bishanaku” Shkodër, ka vrarë me armë zjarri shtetasin E. Xh., 19 vjeç, banues në lagjen “Guerile”, Shkodër.

Gjatë kontrollit të territorit nga shërbimet e shumta të Policisë, në rrugën “Saçej”, në lagjen “Guerile”, është gjetur një motomjet i djegur plotësisht, si dhe 1 armë zjarri pistoletë, që dyshohet se janë përdorur në këtë ngjarje.

Po punohet për kapjen e shtetasit B. Ç., identifikimin dhe kapjen e personave të tjerë të përfshirë në këtë ngjarje.

Materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Vrasja me paramendim” e kryer në bashkëpunim dhe “Mbajtja pa leje e armëve dhe e municionit”./CNA.al





Lajmet e fundit nga