LEXO PA REKLAMA!

SHKARKO APP

Përfaqësuesi i kompanisë “Frigo Food” shuan sërish dyshimet/ Salçiçet tona, pa probleme

22 Shtator 2022, 18:46, Aktualitet CNA
Përfaqësuesi i kompanisë “Frigo Food” shuan
Sokol Meqemeja, përfaqësuesi i kompanisë “Frigo Food”

Sokol Meqemeja, përfaqësuesi i kompanisë “Frigo Food” që importon salçiçet ‘Wudy’, ka reaguar sërish në lidhje me produktet “Wudy”, pas lajmeve për një bakter në salçiçe.

Meqemeja tha në “Euronews Albania” se për problemin është informuar nga vetë kompania prodhuese e salçiçeve, një ditë para se AKU të dilte me njoftim zyrtar.

“Problemin e ka zbuluar vetë fabrika, e ka denoncuar vetë fabrika. Është thirrur ministri i Bujqësisë italiane në fabrikë, është bërë e gjithë procedura, është bllokuar ky lot i fabrikës. Është kompani që mban 65% të popullsisë të tregut italian, shërbejnë për të paktën 50 milionë banorë në Itali, por edhe në Gjermani e Holandë.

Madje kanë marrë në telefon fabrikën në Itali, a kanë vdekur njerëz në Shqipëri? Unë jam vënë në dijeni një ditë para AKU-së, nga kompania mëmë. Kam folur me fabrikën në Itali, lotet që ju po merrni mall janë të sigurta dhe mos kini merak se lotet problematike janë bllokuar. Nuk kanë ardhur te ne”, u shpreh përfaqësuesi i kompanisë “Frigo Food”.

Ai theksoi se produktet me probleme nuk kanë ardhur në Shqipëri.

“AKU sot ka mbaruar relacionin në raport me kompaninë. Kanë kontroluar çdo produkt që ka etiketën dhe kodin dhe nuk ka asnjë produkt që i përket këtij kodi. Lotet e nxjerra në alarm nuk janë në treg”, nënvizoi Meqemeja./ B.A. – CNA.al

Lajmet e fundit nga