web counter
LEXO PA REKLAMA!

SHKARKO APP

App Store
Google Play

“Situata në polici, katastrofë”/ Hajdarmataj: Nano nuk kishte dorë të lirë

22 Shtator 2022, 20:06, Aktualitet CNA
“Situata në polici, katastrofë”/ Hajdarmataj: Nano nuk
Ish-drejtuesi i policisë, Arben Hajdarmataj

Ish-drejtuesi i policisë, Arben Hajdarmataj, ka komentuar sulmet kibernetike të ndodhura në Shqipëri.

Hajdarmataj shprehet se problemet me sigurinë kibernetike kanë ndodhur që para zgjedhjeve të 25 prillit, por që policia e shtetit nuk u kushtoi vëmendjen e duhur.

“Problem i patronazhistëve, që në atë kohë kanë nisur problemet me hakerat. Policia e shtetit e neglizhoi dhe ngeli në parametrat e rutinës që ka policia e shtetit dhe s’u shkoi mendja që mund të ndodhë diçka e tillë edhe në sistemet e policisë. Në policinë e shtetit është prishur zinxhiri i punës”, tha Hajdarmataj.

I ftuar në emisionin "Radari Informativ", Hajdarmataj tha se gjëja më e keqe që ka ndodhur në policinë e shtetit është humbja e besimit në strukturën policore.

“Policia punon për parandalimin e aktivitetit kriminal. Është shkëputur, nuk jep askush informacion as nga qytetarët as nga policia e shtetit. Brenda policisë së shtetit është katastrofë puna apo besueshmëria mes tyre", u shpreh ai.

Sipas tij, Gledis Nano nuk ka pasur dorë të lirë për të vepruar siç ai do të donte.

“Te e-maili që Nano ka çuar tregon si është situata katastrofë, nuk mendoj se është jashtë loje sepse është drejtor, këtë pyetje duhet t’ia bësh fillimisht vetes dhe pastaj të organizosh një strategji mbi këtë pyetje. Nano s’ka pasur dorë të lirë dhe nuk ka mundur të veprojë siç ka dashur”, tha ai./ CNA.al





Lajmet e fundit nga