web counter
LEXO PA REKLAMA!

SHKARKO APP

App Store
Google Play

Ambasadorja Kim takon anëtarët e KLGJ-së/ Mesazhi për drejtësinë

31 Maj 2023, 18:30, Aktualitet CNA

Ambasadorja Kim takon anëtarët e KLGJ-së/ Mesazhi për

Ambasadorja e SHBA në Tiranë, Yuri Kim, është takuar ditën e sotme me anëtarët e Këshillit të Lartë Gjyqësor.

Kim ka falenderuar anëtarët e KLGJ-së për bashkëpunimin gjatë 3 viteve e gjysmë.

Sipas një njoftimi të nxjerrë nga ambasada amerikane, diplomatja ka pohuar mbështetjen e fortë të SHBA për KLGJ-në dhe institucionet e tjera të drejtësisë.

Kim u ka bërë thirrje anëtarëve të KLGJ-së që të përmbushin detyrën e tyre me integritet dhe pavarësi, ndërsa institucionit i ka kërkuar të plotësojë sa më shpejt 3 vendet e mbetura në Gjykatën e Lartë.

Ambasadorja Kim takon anëtarët e KLGJ-së/ Mesazhi për

Deklarata e ambasadës së SHBA:

Ambasadorja Yuri Kim u takua sot me Këshillin e Lartë Gjyqësor për t'i falënderuar për bashkëpunimin e tyre gjatë tre viteve e gjysmë të fundit dhe për t'i nxitur ata që të ngulmojnë. Ajo pohoi sërish mbështetjen e fortë të SHBA për KLGJ-në dhe institucionet e tjera të drejtësisë dhe u bëri thirrje anëtarëve të KLGJ-së që të përmbushin detyrën e tyre me integritet dhe pavarësi. Ajo i kërkoi KLGJ-së të plotësojë sa më shpejt tre vendet e mbetura në Gjykatën e Lartë me gjyqtarët më të kualifikuar. Ajo theksoi gjithashtu pritshmëritë e SHBA që KLGJ të zgjedhë gjyqtarë me integritet dhe aftësi profesionale për Gjykatën e Posaçme kundër Korrupsionit dhe Krimit të Organizuar dhe gjykatat më të ulëta.

“Është koha për t’u shkëputur nga mënyrat e vjetra. Reforma në drejtësi duhet të vazhdojë të zbatohet në mënyrë që Shqipëria të ecë përpara dhe zyrtarët duhet të veprojnë me integritet pavarësisht kërcënimeve dhe nxitjeve”, tha ambasadorja Kim në KLGJ./ CNA.al





Lajmet e fundit nga