LEXO PA REKLAMA!

SHKARKO APP

Qeveria miratoi shkrirjen/ Reagon ASA dhe Akademia e Shkencave

31 Maj 2023, 14:01, Aktualitet CNA

Qeveria miratoi shkrirjen/ Reagon ASA dhe Akademia e Shkencave

Sot qeveria vendosi të riorganizonte ASA-n duke transferuar gjithçka tek Akademia e Shkencave duke nisur nga njësitë autonome te pasuritë e personeli.

Pas këtij vendimi ka ardhur edhe reagimi i Akademisë së Shkencave, e cila e përshëndet VKM-në e miratuar nga qeveria duke thënë se ky vendim u jep të dyja institucioneve mundësinë dhe përgjegjësinë për zhvillimin në një nivel të ri të shkencave albanologjike.

“Ky vendim shpreh rritjen e interesit e të angazhimit të qeverisjes për të rritur dhe evidencuar financimin dhe investimet për kërkimin shkencor, ashtu siç po vepron me mbështetjen për tri projektet madhore në albanologji e për ngritjen e njësive të reja kërkimore-shkencore me impakt kombëtar”, -thuhet mes të tjerash në reagim.

Nga ana tjetër, ASA e quan këtë një vendim politik dhe shprehet kundër, duke thënë se godet shkencën.

“Vendim politik, godet shkencën, jemi kundër këtij vendimi”, thuhet në reagimin e ASA-s./ CNA.al

Lajmet e fundit nga