E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Lufta kundër trafikimit të qenieve njerëzore/ Tetë pikat e projekt-rezolutës

25 Maj 2022, 12:41, Aktualitet CNA

Sot në ?Forumin e Lirisë Ballkanike? është zhvilluar konferenca me temë ?Trendi aktual i trafikimit të qenieve njerëzore në Ballkan?, ku të pranishëm ishin personalitete të larta, që nga ambasadorja e SHBA-së, Yuri Kim, presidenti Ilir Meta, etj.

Mësohet se Projekt-Rezoluta ?Për intensifikimin e përpjekjeve në luftën kundër trafikimit njerëzor dhe sigurimit të një mbrojtjeje efektive për viktimat e trafikimit? e paraqitur sot në “Forumin e Lirisë Ballkanike”, ka këto pika:

1. Angazhimi i Institucioneve dhe gjithë shoqërisë: Institucionet duhet të rrisin kapacitetet e tyre dhe të koordinohen më mirë me shoqërinë civile dhe komunitetet lokale për të dalluar dhe njohur rastet potenciale të trafikimit njerëzor, si dhe për reaguar në kohë, për mbrojtjen e viktimave apo viktimave të mundshme të trafikimit.

2. Reagimi shpejt dhe me profesionalizëm i Institucioneve të Drejtësisë: Të sigurohemi që institucionet kanë kapacitetet e duhura, për të mundësuar goditjen e fenomenit dhe mbrojtje ligjore efektive, për të gjitha viktimat e trafikimit, duke ju ofruar atyre më shumë akses dhe ndihmë ligjore falas të pakushtëzuar.

3. Fuqizimi i kapaciteteve të prokurorëve, oficerëve të policisë gjyqësore dhe gjyqtarëve në nivel lokal lidhur me legjislacionin kombëtar antitrafikim, duke zbatuar qasjen me në qendër viktimën e trafikimit njerëzor.

4. Garantimi i së drejtës së kompensimit dhe dëmshpërblimit të viktimave të trafikimit, nëpërmjet procesit gjyqësor dhe krijimit të një skeme shtetërore efektive, për t?u aplikuar për të gjitha rastet e viktimave të trafikimit.

5. Garantimi i së drejtës për përfshirjen në programet e mbrojtjes së dëshmitarit, të viktimave të trafikimit njerëzor, bashkëpunëtorë të drejtësisë.

6. Rritja e mbështetjes financiare nga shteti dhe sigurimi i një shpërndarjeje në mënyrë të drejtë dhe që mbulon të gjitha nevojat për shërbime, për grupet e rrezikuara nga trafikimi, në të gjithë territorin, duke përfshirë fonde të qëndrueshme, për shërbimet, për viktimat e trafikimit deri në rehabilitimin dhe riintegrimin e tyre në mënyrë të sigurt.

7. Garantimi i zbatimit të Planit të Veprimit Kombëtar Antitrafikim 2021-2023 në mënyrë efektive e brenda afateve të përcaktuara.

8. Hartimi i politikave dhe programeve të mbështetjes, me në qendër viktimën, duke u kujdesuar për trajtimin e tyre me dinjitet dhe respektimin e të gjitha të drejtave gjatë gjithë procesit dhe procesit të ofrimit të ndihmës dhe shërbimeve, përfshirë edhe procedurat dhe ndërveprimin me to, për shkak të zhvillimit të proceseve gjyqësore kundër trafikantëve./CNA.al