E fundit!

18:54 Aktualitet

VOA: Inceneratorët që nuk djegin rrezikojnë një krizë të re mjedisore

Inceneratorët e Elbasanit dhe Fierit u kanë kushtuar taksa...

Trafikimi i qenieve njerëzore/ Meta, apel prokurorëve

25 Maj 2022, 08:08, Aktualitet CNA

Trafikimi i qenieve njerëzore/ Meta, apel prokurorëve

Tema e trafikut të qenieve njerëzore ka bërë bashkë sot Presidentin Ilir Meta, ambasadoren amerikane, Yuri Kim, dhe drejtues të shtetit të Kosovës.

Sipas Presidentit Ilir Meta, institucionet duhet të rrisin vigjilencën dhe të parandalojnë trafiqet e qenieve njerëzore, që në Ballkan sipas tij janë ende në nivele të larta.

Meta u bëri thirrje prokurorëve të rretheve që të jenë më serioz ne hetimin e kësaj vepre penale.

?Një pjesë e konsiderueshme e viktimave të identifikuara janë qytetarë nga Rajoni ynë. Një sërë masash të marra prej vitesh, por trafiku i fëmijëve është ende i konsiderueshëm. Pandemia e COVID-19 i bëri më të ekspozuar fëmijët nga trafikimi.

Masat duhet të integrohen në sistemin e fëmijëve, duke bashkuar shërbimet sociale dhe arsimore. Lufta kundër trafikimit duhet të bazohet në parandalimin e fenomenit. Në këtë situatë duhet të rrisim bashkëpunimin dhe koordinimin, nëpërmjet autoriteteve si dhe bashkëpunimin rajonal.

Nga ana tjetër duhet të jenë prioritet situata ekonomike në vendin tonë. Synimi i trafikantëve janë personat në vështirësi më të mëdha. Personat në nevojë të dëshpëruar për punë, ata që bien lehtë pre e trafikimit. Një ekonomi më gjithëpërfshirëse, sundimi i shtetit të së drejtës jo vetëm do të përmirësonin jetën e qytetarëve tanë, por do të ulnin ndjeshëm trafiqet e çdo lloji. Kërkohet hetim për trafikantët, përfshirë bashkëpunëtorët.

Nevojitet trajnim i vazhdueshëm i Policisë së Shtetit, prokurorët, për hetimin me shpejtësi dhe ndjekës penalë të trafikimit. Shqipëria ishte vendi i parë në rajon që vendosi një marrëveshje me Frontex.

Ka ende vend për përmirësime dhe ndërhyrje me rëndësi. Viktimat e trafikimit duhet të trajtohen si viktima të krimit. S?duhet të trajtohen si burim provash, janë qenie njerëzore. Liria ka rëndësi sepse njerëzit kanë rëndësi. Lufta për liri zhvillohet edhe në nivel global.

Dua të shpreh mirënjohje për institucionet, bashkive fetare dhe organizatave joqeveritare që kanë ushtruar dhe ushtrojnë veprimtarinë në veprat e trafikimit.

Mbrojtja e jetës është një mision që na përket të gjithëve. Ashtu siç ka thënë dhe Nënë Tereza: ‘Kush shpëton një jetë, shpëton një botë të tërë’?, u shpreh Meta./CNA.al