web counter
LEXO PA REKLAMA!

SHKARKO APP

App Store
Google Play

Vrasja brenda komisariatit/ Ish-drejtori i policisë zbardh detaje: Sherri prej kohësh, e dinin dhe shefat

24 Maj 2022, 19:34, Aktualitet CNA

Ish-drejtori i policisë Ismail Elezi ka analizuar ngjarjen e rëndë që tronditi Tiranën mbrëmjen e djeshme ku në ambientet e komisariati nr.3 në rrugën ?Mine Peza? në Tiranë, oficeri i Patrullës së Përgjithshme Ludian Zaimi, qëlloi me armën e shërbimit oficerin tjetër të Patrullës, Çaush Saliasin.

Ismaili tha se sipas informacioneve që ka marrë, sherri mes viktimës dhe autorit kishte nisur kohë më parë ndërkohë dhe që në dijeni ishin dhe shefat.

Më tej ai shtoi se nëse do të ndërhyhej në kohë një ngjarje e rëndë do të parandalohej.

?Mendoj se problemi nuk qëndron te punonjësi i rolit bazë të policisë shtetit, por te diçka më lartë e më thellë. Ajo që lë për të dëshiruar është se krahas testimeve që bëhen, një testim mjaft i rëndësishëm që duhet të jetë rekrutimi i punonjësve të policisë së shtetit është edhe testimi psikologjik. Ndodhin ngjarje që lënë gjurmë te qytetarët.

Çfarë mbrojte të kërkojë qytetari kur polici vret kolegun. Unë nuk mendoj kurrë se 25-vjeçari i ka lind mendimi që unë do shkoj në punë sot dhe do bëjë këtë gjë. Mendoj se ka qenë ngjarje momentale. Ka qenë një sherr ordiner, që ka shkuar deri në vrasje. Ajo që më lë për të dëshiruar është sepse mbi viktimën është qëlluar mbi 5-6 herë, dhe kjo është të thuash çfarë po ndodh? Kjo duhet analizuar me shumë hollësi.

Unë mendoj se ky sherr mund të parandalohej. Unë u interesova  se çfarë patën, dhe dikush më thotë se këto paskan pasur kohë që ngacmoheshin me njëri tjetrin. Unë mësova se autori e paska pasur problem  bullizimin. Personat që ma thanë më thanë se për këtë  konflikt kanë pasur dijeni edhe shefat.  Nëse do të ndërhyhej në kohë jam i bindur se ngjarja nuk do të ndodhte. Është shumë e rëndësishme testimi psikologjik.?/CNA.al

 

 





Lajmet e fundit nga