LEXO PA REKLAMA!

SHKARKO APP

Abuzim dhe falsifikim me pronat/ Thellohen hetimet në dy bashki, Manja fsheh emrat

24 Maj 2022, 10:32, Aktualitet CNA

Njësia antikorrupsion po heton 3 zyra vendore të Kadastrës dhe 2 bashki. Ministri i Drejtësise, Ulsi Manja, deklaron: Abuzimet me pronat janë vepra penale dhe askush nuk ka mundësi të zhdukë provat e këtyre falsifikimeve .

?Antikorrupsioni ka hetime për pronat në të gjithë bregdetin. Hetimi do kohën e vet sepse duhen administruar të gjitha praktikat dhe dokumentet që dyshojmë se janë të natyrës abuzive. Kemi në 3 zyra vendore të Kadastrës, por edhe në 2 bashki ku njësia antikorrupsion ka thelluar hetimet dhe shumë shpejt do të kemi rezultatet. Do t’jua bëjmë me dije nëse janë shkelje administrative apo penale. Abuzimet që po hetojmë janë penale?, tha Manja.

Ndër të tjera ministri garanton se nuk ka asnjë mundësi të zhduken provat sepse koordinatorët antikorrupsion i kanë sekuestruar të gjitha dokumentet shkresore.

?Mundësia që të zhdukin provat është zero sepse koordinatorët antikorrupsion i ka sekuestruar të gjitha dokumentet shkresore. E dyta, për ecurinë e kallëzimeve që kemi depozitar në prokurori dhe SPAK, marrin informacion për ecurinë e kallëzimeve tona, për një pjesë hetimet penale janë në fazën e fundit, madje ka zyrtarë me masë sigurimi dhe këtu i referohem Sarandës dhe Fierit ndërsa një pjesë e zyrtarëve po hetohen në gjendje të lirë. Kur kontaktoni me Agjencitë e Zbatimit të Ligjit mund të pyesni sepse janë hetime administrative dhe u referohen abuzimeve në administratën publike. Të gjitha kallëzimet po hetohen si vepra penale?, tha Manja./ CNA.al

Lajmet e fundit nga