LEXO PA REKLAMA!

SHKARKO APP

App Store
Google Play

E fundit!

x

Pas 9 vitesh në krye të PD-së/ “Sali Berisha nuk ka përse të urohet!”

23 Maj 2022, 17:24, Aktualitet CNA
Pas 9 vitesh në krye të PD-së/ “Sali Berisha nuk ka

Lideri historik i demokratëve, Sali Berisha, u zgjodh mbrëmjen e djeshme me shumicë votash, përballë kandidatit Ibsen Elezi, në krye të PD-së.

Të shumtë kanë qenë ata që kanë uruar kthimin e Berishës në krye të partisë pas 9 vitesh.

Lidhur me këto zhvillime ka reaguar edhe ish-ministri i Drejtësisë, Ylli Manjani. Ai shkruan se Berisha nuk ka pse të urohet. Urimet janë për demokratët të cilët u gjenden nën një presion të jashtëzakonshëm, por gjithsesi të pamundur për t’u diktuar vendimmarrjen.

?Sali Berisha nuk ka përse të urohet. Demokratët po. Ata kanë që në dhjetor (Ndoshta dhe ca më herët) që po japin leksione të vetorganizimit të një grupimi politik.

Asnjëherë më parë nuk kishte ndodhur që partia të vetëmblidhet duke qenë në unison përballë kastës drejtuese të saj. Ka pasur një histori të ngjajshme PS e vitit 1996 kur Nano nga burgu organizoi një mocion ndaj kastës drejtuese, por jo e këtyre pëmasave që reagoi anëtarësia e PD.

Ndaj urimet janë për demokratët, të cilët u gjenden nën një presion të jashtëzakonshëm, por gjitjsesi të pamundur për t’u diktuar vendimmarrjen.

Sali Berisha i ka marrë të gjitha urimet e sukseset në politikë. Këtë radhë urimet janë ekskluzivisht për anëtarësinë e PD-së.

Ndaj urime atyre demokratëve që po japin shpresë se pluralizmi nuk ka vdekur ende. Amerikanllëqet e bulevardit politik,nuk janë as arsye e as shkak për të ndëshkuar një parti. Ato janë arsye të mjaftueshme për të ndarë opozitarin nga bashkpuntorin e pushtetit.

Kjo tashmë është e qartë! Amerikanllarët e bulevardit janë bashkëpuntorë të pushtetit dhe në luftë me pluralizmin.

Shpresoj që ky reagim demokratik i anëtarësisë të mos shkojë dëm nga drejtuesit e PD.?/CNA.al

 

Lajmet e fundit nga