web counter
LEXO PA REKLAMA!

SHKARKO APP

App Store
Google Play

E fundit!

x

Fillon zyrtarisht Kuvendi i PD/ Propozohen ndryshime në statut

11 Dhjetor 2021, 11:14, Politikë CNA

Kuvendi i Jashtëzakonshëm Kombëtar i PD, i cili mbahet në stadiumin ?Air Albania?, ka nisur zyrtarisht punimet.

Kreu i Komisionit për drejtimin e punimeve të këtij Kuvendi, Belind Këlliçi tha se Kuvendi ka nisur zyrtarisht punimet, ndërsa shtoi se një ndër pikat është edhe propozimi për ndryshimet në statut.

?Numri total i delegatëve të Kuvendit Kombëtar është 7646. Sekretariati më njofton se 4200 formularët e depozituar për thirrjen e Kuvendit janë firmëtarë dhe janë të pranishëm në Kuvend. Në zbatim të statutit deklaroj se ky Kuvend është i thirrur ligjërisht sipas statutit të PD-së,? tha Këlliçi.

?Në lidhje me kuorumin, sekretariati deklaron se numri i delegatëve pas verifikimit është 4934 delegatë. Numri minimal duhej të ishte 3824. Deklaroj se Kuvendi ka kuorumin e ligjshëm sipas statutit të PD dhe ka aftësi të plotë vendimmarrje nga ky çast,? tha Këlliçi.

Ndersa, Oerd Bylykbashi tha se ?Sot japim provën që demokracia nuk është burokraci por parime dhe kontribut.

PD është një parti e vlerave.

Ndryshimet në statut në 2018 dhe 2021, të cilat erdhën pas dy humbjeve, në vend të çlironin energji të reja centralizuan pushtetin në duart e kryetarit?.

Më tej, ai tha se ?Sot synojmë të projektojmë një PD. Ndryshime konfirmojnë vlerat mbi të cilat është krijuar partia jonë, që mbron vlerat konservatore.

Për këtë arsye kemi shtrirë më tej parimin një anëtar një votë për zgjedhjen edhe të kryetarëve të degëve, votimet primare, referendumi. Vendimet e rëndësishme do të merren nga anëtarësia. Për të garantuar dhe forcuar lirinë e fjalës garanton me parime, por ne më tej fusim në statut fraksionet dhe duke përjashtuar anëtarët e saj.

Të mendosh ndryshe është vlerë dhe nuk mund të jetë kërcënim për kryetarin. Organet kolegjiale të partisë do të forcohen. Kryetari që humbet zgjedhjet pavarësisht arsyes i përfundon mandati menjëherë?./CNA.al





Lajmet e fundit nga