LEXO PA REKLAMA!

SHKARKO APP

Nuk janë me Saliun o Luli/ Po të skualifikojnë ty!

11 Dhjetor 2021, 09:52, Politikë CNA

Ju kujtohen “zgjedhjet” për kandidatët për deputet që “organizoi” Luli?

Ajo batërdia e vërsuljes së kandidatëve kundër njëri-tjerit në një garë absurde, ku të gjithë mblidhnin vota kundër të tjerëve, pa patur nevojë të gërmonin votat për vete.

Me një sistem absurd, bazuar mbi skualifikimin e kundërshtarit dhe mbjelljen e urrejtjes, Luli Basha futi në përplasje dhe armiqësi të gjithë piramidën e partisë. Nga anëtari më i thjeshtë deri tek anëtari i kryesisë.

Përjashtohej vetëm ai nga beteja e grumbullimit të votave kundër të gjithë të tjerëve.

Luli Basha ishte i vetmi në atë proces që nuk kishte nevojë të grumbullonte vota demokratësh kundër dikujt dhe askush nuk shkruante emrin e tij, ndërsa shfrytëzonte mekanizmin idiot, përçarës dhe tregtar për skualifikimin e kundërshtarit.

Në atë “garë” pati degë, ku demokratët u goditën, u shanë, u rrahën me njëri-tjterin.

Në Devoll fati shpëtoi që të kishte edhe të vdekur.

Luli flinte dhe priste 20 përqindshin e vet.

Ju kujtohet 20 përqindshi? Ajo kuota që Luli gëzonte që të fuste në liste kë ai donte më shumë!?

Luli priste 20 përqindshin! Pas 20 përqindshit dolën listat!

Ato lista që prodhuan deputetët e thatësirës politike të grupit parlamentar të PD.

Dhe Lulin mbi to!

Tani erdhi dita Lul! Kundërshtari yt nuk po kërkon vota për vete.

Ka dalë të kërkojë vota kundër teje.

Ai kundërshtari që ti akuzove se po përçan PD-në, po përdor mekanizmin tënd.

Për të të skualifikuar ty, ka dy muaj që po kërkon votat kundër teje.

Dhe ne të gjithë e dinim që nuk e kishte të vështirë. “Shpikja” jote po të vret ty.

Nuk janë më Saliun Luli!

Janë kundër teje!/CNA.al

Lajmet e fundit nga