web counter
LEXO PA REKLAMA!

SHKARKO APP

App Store
Google Play

31 vjet nga themelimi i PD-së/ Sfidat e partisë që rrëzoi diktaturën

11 Dhjetor 2021, 07:23, Politikë CNA

Partia Demokratike, e para dhe më e madhja Parti Opozitare në Shqipëri shënon 30 vjetorin e themelimit të saj.

Ajo ka hyrë në histori si partia që rrëzoi diktaturën komuniste, më të egrën ndër vendet e ish-Europës Lindore komuniste.

PD u themelua 1 ditë pas shpalljes së pluralizmit politik nga Presidenti i fundit komunist, Ramiz Alia, dhe 3 ditë pas Lëvizjes Studentore,  më 8 dhjetor 1990, duke ndezur shkëndijën e protestave që sollën përmbysjen e regjimit komunist, 46 vjeçar.

Kryetari i parë i PD, Sali Berisha, mbetet lideri i saj historik dhe një nga politikanët kryesorë të së djathtës në Shqipërinë post- komuniste.

Ai ka qenë President i Republikës, 1992-1997 dhe Kryeministër në dy mandate, 2005-2013.

Në shkurt të vitit 2019 deputetët e Partisë Demokratike hoqën dorë nga mandatet e tyre parlamentare dhe nisën protestat 4 mujore për rrëzim të kryeministrit  Edi Rama, i akuzuar prej se ” fitoi mandatin e dytë qeverisës, 2017-2021 me vota të vjedhura?.

PD nuk mori pjesë në zgjedhjet vendore të vitit 2019 gjë që solli që nga 61 bashki që ka Shqipëria 60 prej tyre të drejtohen nga kryetarë bashkish, që i përkasin PS në pushtet.

Sot, PD, njëherësh në 31-vjetorin e themelimit të saj, mban edhe Kuvendin për zgjedhjen e kryetarit të ri dhe strukturave të ri.

Ky Kuvend mbahet pas iniciativës së liderit historik të PD-së me ?Foltoren?, ku përmes saj demokratët kërkuan ringritjen e Partisë Demokratike./E.S-CNA.al





Lajmet e fundit nga