LEXO PA REKLAMA!

SHKARKO APP

Pas 11 orësh që qytetarët mbetën të bllokuar në Malin e Tomorrit/ “Zgjohet’ Policia

22 Gusht 2021, 08:06, Aktualitet CNA
Pas 11 orësh që qytetarët mbetën të bllokuar në

CNA.al denoncoi mëngjesin e sotëm kaosin e krijuar në Malin e Tomorrit, të cilit i janë drejtuar që të shtunën pë pelegrinazh, qindra besimtarë.

Pas këtij denoncimi ka reaguar menjëherë Policia, e cila është kujtuar të apelojë drejtuesit e automjeteve që të respektojnë rregullat e qarkullimit rrugor.

Në fakt, para disa ditësh Policia e Beratit doli me një plan masash, të cilat nuk u panë të zbatohen në terren, ndërsa është zgjuar mëngjesin e sotëm pas kaosit prej më shumë 11 orësh, ku mbetën të bllokuar qindra qytetarë, mes tyre edhe fëmijë.

?Policia Rrugore e Beratit nisur nga fakti se në aksin rrugor në drejtim të Malit të Tomorit vijon të ketë fluks të lartë të automjeteve, apelon për të gjithë përdoruesit e rrugës që të respektojnë rregullat e qarkullimit rrugor, të mos nxitojnë për të arritur në destinacion duke kryer parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse.  

Gjithashtu i bëjmë thirrje të gjithë drejtuesve të mjeteve që kanë parkuar mjetet pranë Teqes, të afrohen pranë mjeteve të tyre pasi ka fluks të madh të automjeteve dhe parkimet fillestare do ndryshojnë për të bërë të mundur qarkullimin  e automjeteve që janë në ngjitje.

Gjithashtu drejtuesit e mjeteve të cilët parkojnë mjetin dhe largohen të vendosin numrin e tyre të celularit në xhamin e mjetit në mënyrë që të telefonohen kur duhet të lëvizin mjetet?, thuhet në njoftimin e Policisë./CNA.al

Lajmet e fundit nga