LEXO PA REKLAMA!

SHKARKO APP

Pse bën nani-nani ILD-ja dhe KLP-ja për lirimin e Avdylit?

21 Gusht 2021, 07:36, Aktualitet CNA
Pse bën nani-nani ILD-ja dhe KLP-ja për lirimin e Avdylit?

Nga Elton Qyno

Në fund të muajit Korrik 2021, pikërisht vetëm 3 ditë pasi sistemi i drejtësisë në vend, (gjykata-prokurori) të hynin zyrtarisht në pushimet e muajit Gusht, raportohet për një lajm, si ai i lirimit nga burgu të Astrit Avdylit nga Shijaku.

Nga 2018 e deri më sot ç?nuk kemi dëgjuar në parlament dhe nëpër dosjen penale për këtë njeri, të lidhur me politikën e Durrësit, Shijakut dhe Tiranës. Por vetë Astrit Avdyli nuk ka pranuar kurrë akuzat e prokurorisë si i përfshirë në trafikun e heroinës së Hasit, të sjellë nga Turqia në Shqipëri.

Ai doli nga burgu dhe aty ku u dha lajmi aty dhe mbeti. Asnjë ditë më pas nuk u shkruajt asgjë. Këshilli i Lartë i Prokurorisë dhe Inspektoriati i Lartë i Drejtësisë, si dy institucione kontrolluese të vendimarjes së gjyqtarëve dhe prokurorëve, iç asnjë gjë, asnjë deklaratë nuk dhanë në ato ditë por edhe tani.

A thua se nuk ka ndodhur asgjë në ditët e fundit të Gushtit. Apo a thua se: ??hë mo se kush u lirua, sikur kushedi çfarë është??.

Disa vite më parë, kur Avdyli ndodhej në burg pasi vuante një dënim me 16 vite burgim të marë për vrasje, një ekspertim mjeko-ligjor, i kryer nga mjekët psikiatër Latif Fjolla dhe Shkëlqim Korbi, nxirte të dënuarin, Avdylin, se vuante nga një sëmundje ?Depresion Endogjen me tentativa suicidale (Vetëvrasje)?.

Klinikisht sipas mjekëve, ky personazh paraqiste çrregullime në formën e deluvioneve, të cilat udhëheqin sjelljet vetëdëmtuese dhe suicidale.

Njeriu që sipas dy ekspertëve të mësipërm, gjatë qëndrimit në burg shfaqte shenja psikiatrike të kryerjes së vetëvrasjes apo dëmtimit të jetës së të dënuarve të tjerë, pas daljes nga burgu ku qëndronte si i dënuar për një vrasje të kryer në 1997 apo 1998, shumë shpejt do të rimerte kontrollin psiqik të vetes, duke arritur deri në atë shkallë sa të dyshohet se ka drejtuar dhe trafikun e heroinës nga Turqia në Itali.

Njëherësh gjatë kohës së qëndrimit në lirim, Astrit Avdyli, arriti të hynte brenda rradhëve të anëtarëve të Partisë Socialiste, duke u kthyer në një militant i flaktë dhe ?ingranazh?, i fortë i sistemit për mbledhjen e votave të mavjosura, pranë shtabit elektoral të Vangjush Dakos, në qarkun e Durrësit.

Por shumë shpejt Avdyli u kthye në njeriun kryesor, që në zgjedhjet e 2017, vuri në rresht administratën shtetërore të Durrësit dhe një pjesë të mirë të militantëve të PD-së në këtë qark.

Ironia shkoi deri aty, sa një të sëmuri depresiv si Avdyli dhe një personi që kishte prirje të kryente vetëvrasje, i liheshin në dorë listat emërore të votuesve të Partisë Demokratike në zgjedhjet parlamentare të vitit 2017 në Durrës. Pastaj rreshtoren e bënte vetë ai.

Mirëpo sot në këto ditë të nxehta Gushti, teksa unë shkruaj, Avdyli ndodhet në shtëpi, që me letra është në masën e sigurisë ?arrest në shtëpi?.

Pikërisht këta tre të pandehur për akuza të rënda, deri në këtë fazë thyenë mitin e deritanishëm të SPAK-ut, duke ia djegur letrat e dosjes penale në dorë. Ose prokuroria e bëri qëllimisht dhe luajti me afatet e paraburgimit ose gjykata mbeti në kolaps, për shkak të mungesës së gjyqtarëve dhe erdhi kjo situatë që erdhi.

Por tashmë çështja penale u kris. SPAK-u, heshti për lirimin e tyre dhe nuk denjoi të informojë qytetarët, që aq shumë i besojnë se çfarë ndodhi. Ku u çedua dhe a ka persona përgjegjës për këtë skandal. SPAK-u heshti se i ngeli dopio gjashta në duar dhe në këtë kohë nuk denjoi të bëjë asnjë njoftim, duke u marë me procedurën ?shumë të koklavitur? të përzgjedhjes së një koordinatoreje mediatike, për të cilën u dha sihariqi me vrap, sapo u zgjodh.

Por këta nga njëra anë duhet kuptuar se janë institucionet protagoniste të kësaj dosjeje dhe të këtij skandali që tashmë u kthye në çorbë të thartuar.

Por si është e mundur që për këtë çështje nuk kanë folur asnjë fjalë mor jahu, institucionet si Këshill i Lartë i Prokurorisë dhe Inspektoriati i Lartë i Drejtësisë. Dy institucione kontrolluese të vendimarjes së gjyqtarëve dhe prokurorëve, iç asnjë gjë, asnjë deklaratë deri tani, se ç?do bëjnë.

Pikën e interesit për të nisur një inspektim në gjykatë dhe në SPAK. Pikën e interesit për të informuar qytetarët por qoftë dhe median.

Tipikë aparatçinj të thekur, që zenë karrigen me rrota dhe një zyrë, e fillojnë lëvizin vetëm kur i thonë. Lento lento, se mos i prishni imazhin SPAK-ut ose reformes, nëse nisni ndonjë inspektim, qoftë dhe kryesisht nga këto institucione.

T?ju sjellim ndonjë jastëk?/CNA.al

Lajmet e fundit nga