web counter
LEXO PA REKLAMA!

SHKARKO APP

App Store
Google Play

Ish-shef i Shtabit të Përgjithshëm: Ardhja e afganëve nuk duhet të shikohet me panik

20 Gusht 2021, 17:46, Aktualitet CNA

Grupi i parë i emigrantëve, që do vijnë nga Afganistani është parashikuar të akomodohet në qytetin e Beratit.

Por çështja e ardhjes së tyre në vend është shoqëruar me zëra pro dhe kundër. Ish-shef i Shtabit të Përgjithshëm dhe deputet i zgjedhur i PS, Bardhyl Kollçaku tha se Tirana, Berati dhe Durrësi janë zgjedhur  për të strehuar afganët për shkak se kanë kapacitete akomoduese.

?Tirana, Durrësi apo Berati, besoj se janë më shumë zgjedhje për mundësitë akomoduese.  Mua më vjen mirë që Berati tregon mikpritjen, bujarinë, siç e ka treguar historikisht. Unë besoj se jo vetëm në Berat, por edhe në qytetet e tjera do të kenë mikpritje?, tha ai.

Sipas tij, Shqipëria duhet të jetë e hapur për të ndihmuar qytetarët afganë pasi kanë qenë aleatë të NATO-s.

?Ata kanë qenë mbështetës të koalicionit për 20 vjet në Afganistan. Janë njerëz intelektualë, kanë qenë me ne, janë besnikë, janë në aleancën tonë?,  shtoi ai.

Pyetjes nëse prania e tyre në Shqipëri mund të përbëjë rrezik për sigurinë kombëtare, z. Kollçaku tha se ?nuk ka vend për panik?.

Ai shtoi se strukturat shtetërore, në bashkëpunonim edhe me ambasadën amerikane do t?i kontrollojnë të gjithë emigrantët, që do hyjnë vend.

?Strukturat e sigurisë në bashkëpunim me ambasadën amerikane dhe strukturat e tjera që janë në Kabul do të koordinojnë veprimet. Ata do të kontrollohen, do t?u merren të dhënat biometrike. Nuk ka shqetësim dhe rrezik për sigurinë kombëtare, por kjo nga ana tjetër nuk do na pengojë ne, që gjërat që duhen bërë me kujdes t?i bejmë, sepse çfarëdo mund të ndodhë. Mund të ketë edhe të infiltruar, që nuk e meritojnë të vijnë. Nuk ka panik apo merak për sigurinë kombëtare?, tha ai./euronews





Lajmet e fundit nga