E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Projekti i bashkisë për t’i kthyer Sarajet muze kërkon 5.6 milionë euro shpronësime

20 Gusht 2021, 13:52, Aktualitet CNA

Projekti i Bashkisë Tiranë për të kthyer në muze ndërtesat historike në qendër do të kërkojë të paktën 5.6 milionë euro për shpronësim.

Agjencia Shtetërore e Shpronësimit ka përllogaritur vlerat paraprake për ?Sarajet e Toptanasve? dhe ?Sarajet e Libohovitëve? duke nxjerrë si total shifrën prej 684 milionë lekë.

Përllogaritja e botuar në Fletoren Zyrtare përfshin shpronësimin e rreth 5,000 metrave katrorë truall zotëruar nga 14 familje të ndryshme në zonën e Kalasë së Tiranës dhe buzë rrugës ?Abdi Toptani?.

?Sarajet e Libohovitëve? ? 505,843,802 lekë:

3,348 metra katrorë truall zotëruar nga familja Libohova

1,622 metra katrorë banesë zotëruar nga familja Libohova

?Sarajet e Toptanasve? ? 178,694,456 lekë:

1,569 metra katrorë truall, zotëruar nga 13 familje dhe një kompani private

424 metra katrorë banesë, zotëruar nga 13 familje dhe një kompani private

Sipas njoftimit në Fletoren Zyrtare, pronarë të ?Sarajeve të Toptanasve? janë familjet Këllezi, Kosova, Kazazi, Zajmi, Hoxholli, Përmeti, Podgorica, Pashollari, Pirgu, Llapaj, Cara, Skënderi dhe Stërmasi.

Bashkëpronarë rezulton edhe kompania ?Vi&Vi? e cila zotërohet nga Fatmir Imeraj. Ndërtesa qe dhënë me qira për 10 vite në periudhën 2009-2019.

Sarajet në qendër të Tiranës janë monumente kulture pasi kanë një arkitekturë karakteristike të shekullit të XVIII-të. Ato u ndërtuan nga familja Toptani.

Prej vitit 2019 Kryetari i Bashkisë Tiranë, Erion Veliaj, ka shprehur idenë për t?i kthyer ato në ?Muze të Etnografisë?.

Mesnatën e së hënës ?Sarajet e Toptanasve? iu vu zjarri nga një person ende i paidentifikuar.

Veliaj, tha për Euronews Albania se zjarrvënia ishte e qëllimshme për të ndalur procesin e shpronësimit ?për interesa private ndërtimi?.

Ai ka këmbëngulur se projekti i bashkisë ka synim rindërtimin dhe ruajtjen e vlerave historike dhe jo tjetërsimin e tyre.

Pas publikimit në Fletoren Zyrtare të vlerës paraprake pronarët kanë 15 ditë kohë të paraqesin pretendimet e tyre për vlerën e pronës./euronews