Ilir Meta të ikë nga Presidenca/ Nikollë Lesi: Ai është më i keq se Berisha, Nano dhe Rama

21 Gusht 2021, 12:07, Aktualitet CNA

Presidenti Ilir Meta, konsiderohet nga Nikoll Lesi si njeriu më diktator në udhëheqjen e partive.

Mr anë të një shkrimi tek ?Koha Jonë?, Lesi, thotë se Meta, është i pari krahasuar me Berishën, Nanon e Ramën sa iu përket të përjashtuarve nga partia.

?Historia politike e këtyre 30 viteve njeh largime apo shkarkime të forta nga partitë kryesore politike në Shqipëri.

Në vend të parë radhitet Ilir Meta që ka larguar apo përjashtuar nga formacioni politik më shumë se sa Sali Berisha, Fatos Nano dhe Edi Rama?, shkruan Lesi.

“Berisha u tregua zemërgjerë dhe disa prej tyre i futi në qeveri kur u rikthye në pushtet.

Ndërsa Fatos Nano nuk ka larguar asnjeri, përkundrazi u dha pushtet edhe kundërshtarëve në PS. Ndërsa Edi Rama, përjashtuar Koço Kokëdhimës që synoi ti merrte partinë nga Jugu duke spostuar Gramoz Ruçin, me të tjerët ka gjetur ura bashkëpunimi e ndërveprimi. Është paksa i dyshimtë rasti i Ditmir Bushatit, por ka informacione se ka ribashkim.

Ndërsa kampioni, ndonëse me një parti më të vogël se PD e PS, mbetet Ilir Meta?, shkruan më tej Lesi.

Më tej Lesi, është ndalur tek emrat që dikur kanë qenë pjesë e LSI por që janë përjashtuar nga Ilir Meta, ku në disa raste, ligjërisht nuk ka qenë as kryetar partie, por President.

?Ja lista e emrave VIP që prodhonin vota dhe publicitet, dikur në LSI, që i ka larguar, përjashtuar apo që presin radhën për ?prerje? koke: Sabit Brokaj (ish-ministër), Fatos Klosi (ish-shef SHIK), Pëllumb Xhufi (ish-deputet), Sokol Nako (ish-ministër), Mustafa Muçi (ish-ministër), Ndre Legisi (ish-sekretar shteti), Brisilda Gjikondi, Sokol Axhemi (ish-zv/ministër), Spartak Braho (deputet), Ylli Manjani (ish-ministër), Lefter Koka (ish-ministër), Nasip Naço (ish-ministër), Edmond Haxhinasto (ish-ministër), Dritan Prifti (ish-ministër), Luan Rama (ish-ministër), Sokol Dervishi (ish-ministër), Robert Bitri (deputet), Shkëlqim Selami (ish-deputet), Ralf Gjoni (deputet), Pëllumb Pipero, etj.

Ndaj kot nuk thonë në PS se nuk është më Meta i para vitit 2000, kur dëgjonte, pranonte diversitet apo kundërshti?, shkruan Nikollë Lesi.

?Ilir Meta ka vetëm një zgjidhje: Ti kërkoj falje gjithkujt që i ka rënë në qafë apo kur është nxituar në vendimmarrje. Kjo nuk mjafton për tu rikuperuar, por duhet shoqëruar edhe me ikje nga presidenca, pasi ajo e mori në qafë me të tijtë, edhe me publikun.

Ilir Meta nuk është i inkriminuar, por ka ikur nga realiteti!

Sikur të mos fuste hundët në punët e LSI gjatë fushatës së zgjedhjeve të prillit 2021, vetëm dhe e vetme Monika Kryemadhi do të merrte mbi 12 deputetë.

Dhe sot në pushtet do të ishin PD dhe LSI?, përfundon Lesi./CNA.al