web counter
LEXO PA REKLAMA!

SHKARKO APP

App Store
Google Play

E fundit!

x

“Basha ka falsifikuar votat”/ Topalli akuza të forta: Oligarkët e kanë blerë me vila

8 Shtator 2020, 21:46, Politikë CNA

Ish-kryeparlamentarja Jozefina Topalli, ka akuzuar Lulzim Bashën se ka marrë peng Partinë Demokratike.

Në një interviste për ?Vizion Plus?, Topalli tha se Basha është filmuar duke falsifikuar votat.

?PD ka për detyrë të çlirohet nga pengmarrja. Një person që ka mbajtur karrigen e kryetarit të partisë dhe është filmuar se ka falsifikuar votat, nuk duhet të qëndrojë. Historia e tij është historia e një axhende ekonomike. Në një situatë të tillë, shumica e shqiptarëve nuk pajtohet, ndaj janë edhe pa alternativë. Tradhtia më e madhe që ka bërë është se e ka lënë vendin pa opozitë. Ka dezertuar nga detyra për të bërë betejë?, u shpreh ajo.

Më tej, ish-kryeparlamentarja i vijoi akuzat duke thënë se Basha është i blerë nga oligarkët në këmbim të interesave ekonomike personale.

?Këtë vit, kryetari i Partisë Demokratike, Lulzim Basha ka ndërruar shtëpi. Tashmë, ai nuk jeton më në apartamentin e tij në katin e 12-të, pranë kullave afër stadiumit ?Arena Kombëtare?, por është zhvendosur kompleksin e vilave ?Long Hill?, në periferi të Tiranës. Ky kompleks është ndërtuar nga biznesmeni Agron Papuli, i cili është akuzuar më herët nga PD-ja si oligark. Duke bërë një kërkim të thjeshtë tek agjencitë imobiliare, mësohet se një shtëpi në këtë zonë kushton mesatarisht 410 mijë euro, e ndërsa për ta marrë me qira kushton rreth 2.4 mijë euro në muaj. Vilat në këto zonë janë kryesisht dy katëshe, me pishinë dhe në këtë zonë jetojnë diplomatë, bankierë dhe personazhe të njohura të biznesit”, nënvizoi Topalli./ CNA.al





Lajmet e fundit nga