E fundit!

18:40 Politikë

“Bela e madhe në PD”/ Murrizi për zgjedhjet e Këshillit Kombëtar: Ca kandidatë garuan për hatrin e Berishës

Ish-deputeti demokrat, Myslim Murrizi, ka reaguar sot pasi...

Banesën ia shpallën të pabanueshme/ Qytetari: Po jetoj në shtëpinë e rrënuar, nuk mundja më në çadër

6 Shtator 2020, 10:11, Politikë CNA

Eduart Hysa është një prej banorëve të fshatit Shpërdhet, bashkia Kurbin, i cili gjatë tërmetit të 26 nëntorit të vitit të kaluar pësoi dëme të pariparueshme në shtëpinë e tij.

Kryetari i FRPD-së Belind Këlliçi, deklaron se deri para një jave Hysa ka jetuar në çadër, madje fëmija i tretë ka lindur pikërisht aty.

Gjatë bisedës me përfaqësuesin e Partisë Demokratike, ai tregoi se është rikthyer në banesën e dëmtuar që fillimisht ia kanë vlerësuar si të pabanueshme dhe për tu shembur, por më pas ekspertët e kanë klasifikuar banesën në nivelin e mesëm DS2 për riparim dhe jo rindërtim.

Sipas Këlliçit, shuma që përfiton nga ky vlerësim nuk i mjafton për të bërë asgjë me shtëpinë, ndërsa jeton vetëm me 100 mijë lek të kempit si invalid, vetë i gjashtë.

Biseda:

Qytetari: Unë jam Eduart Hysa, banor i Shpërdhetit. Deri para një jave kam ndenjur në çadër dhe tani po jetoj në shtëpi të shembur, siç po e shihni edhe ju.

Këlliçi: Eduart, sa veta jeni?

Qytetari: Jam vetë i gjashti, nëntë muaj në çadër.

Këlliçi: Po pse vendose të futesh këtu?

Qytetari: Nuk kam rrugë tjetër, nuk jetohet me fëmijë të vegjël në çadër gjithë kohës. Tani përsëri këtu në shtëpi, po rrezikojmë.

Këlliçi: Në shtëpinë e prishur?

Qytetari: Po, në shtëpinë e prishur. Po rrezikoj dita-ditës.

Këlliçi: Si ta kanë vlerësuar shtëpinë? A ka ardhur dikush nga shteti me u interesu?

Qytetari: DS.. Ka ardhur dhe më kanë thënë… kur kanë ardhur për herë të parë inxhinierët më kanë thënë që mos hyni brenda, se kjo rrezikon që të shembet.

Këlliçi: Edhe si të klasifikuan?

Qytetari: Pastaj kur ka dalë akt konstatimi ma kanë nxjerr DS2 të mesëm, nuk ma kanë vlerësuar siç duhet.

Këlliçi: Po ndonjë ndihmë, ndonjë mbështetje, ndonjë financim nga shteti, ke marrë?

Qytetari: Asnjë lloj gjëje!

Këlliçi: Bonus qeraje, mbështetje financiare?

Qytetari: As bonus qiraje, asnjë gjë!

Këlliçi: Me aq lekë (fjala është për paratë që përfiton për riparim nga vlerësimi DS2) çfarë mund të bësh ti në shtëpi?

Qytetari: Asnjë gjë!

Këlliçi: Sa fëmijë ke?

Qytetari: 3 fëmijë! Më të madhin 9 vjeç, më të voglin 6 muajsh.

Këlliçi: 6 muajsh?!

Qytetari: 6 muajsh!