LEXO PA REKLAMA!

SHKARKO APP

PD i përgjigjet Ruçit/ Zbulohet emri i përfaqësuesit që do dërgojë në Komisionin për anëtarët e KQZ-së

8 Shtator 2020, 11:57, Politikë CNA

Partia Demokratike i është përgjigjur kërkesës së kryeparlamentarit Gramoz Ruçi, I cili kërkoi të dërgojnë përfaqësuesin e tyre në Komisionin që do bëjë përzgjedhjen e anëtarëve të KQZ-së.

Mësohet se në përgjigje të kërkesës së Ruçit, PD ka caktuar Oerd Bylykbashin, si përfaqësues në Komision.

?Z. Gramoz Ruçi
Kryetar
Kuvendi i Shqipërisë
Nr. ____Prot.,
Tiranë, më 08.09.2020

Z. Ruçi,

Në përgjigje të shkresës suaj nr. 2143 Prot., datë 04.09.2020 dhe në përputhje me nenin 17, pika 3 dhe nenin 183 të ligjit nr. 101/2020 ?Për disa shtesa dhe ndryshime në ligjin nr. 10019, datë 29.12.2008 ?Kodi Zgjedhor i Republikës së Shqipërisë, i ndryshuar, ju njoftojmë se:

Kemi autorizuar si përfaqësues me cilësinë e të dërguarit të posaçëm pranë Komisionit Parlamentar, që do të marrë pjesë në procedurën e shqyrtimit dhe përzgjedhjes së kandidaturave për organet drejtuese të KQZ-së, z. Oerd Bylykbashi, anëtar i Këshillit Politik të ngritur me marrëveshjen politike të 14 Janarit 2020.

Në emër të Partisë Demokratike dhe Opozitës së Bashkuar:

Sekretari i Përgjithshëm
GAZMENT BARDHI?-thuhet në përgjigjen e PD.

Lajmet e fundit nga