web counter
LEXO PA REKLAMA!

SHKARKO APP

App Store
Google Play

Besa e lë Maturën 2021 në dorë të Turit

8 Shtator 2020, 09:53, Politikë CNA

Shoqja Besa dje na njoftoi që paska vendosur të ikë nga Shqipëria!

Motivi i shprehur është se ajo nuk e gjen të ardhmen e saj në Shqipëri!

Dhe meqë përballë s’kishte gazetarë, atëherë askush nuk i bëri disa pyetje të thjeshta shoqes Besa:

– Kur erdhi në 2018, çfarë pa në Shqipëri shoqja Besa?

– Çfarë pa në 2018 që nuk po e sheh më në 2020?

– Ajo që pa, kishte pamje të qartë, apo i diktohej pas tymit të ndonjë cigareje…elektronike?

– Çfarë bëri këto 3 vjet shoqja Besa që ngazëlleu atë, apo fisin e saj përtej kufijve?

– Çfarë la pas shoqja Besa në arsim përveç historive të Turit?

– Nëse e ardhmja e saj nuk është në Shqipëri, pse nuk ikën SOT, TANI shoqja Besa?

Në qershor 2021 do të ketë një maturë tjetër të rradhës.

Puna për atë maturë duhet nisur që tani, që gallata e këtyre 3 viteve me maturantët të mos përsëritet më.

– Çfarë pret shoqja Besa duke shtyrë muajt e marrë rrogë politikani në Shqipëri, kur e paska parë që barka të cilës i ka hipur, nuk është barka të cilës ajo i përket?

– Çfarë dëmi ka lënë pa bërë ende shoqja Besa, që duhet të presë edhe 7 muaj përpara se të shkojë diku ku e sheh qartë të ardhmen e vet?

Dhe e fundit:

– Pse doli dje në TV  shoqja Besa, pa marrë me vete edhe Turin? A mos është ky sinjali që maturantët e 2021 i ka lënë në dorë të sigurtë?/ CNA.al





Lajmet e fundit nga